දූෂණ චෝදනා සම්බන්ධ නඩු විභාගයකට ඇප මත මුදාහැර සිටියදී අධිකරණයේ පෙනී නොසිටීම හේතුවෙන් රක්ෂිත බන්ධනාගාරගත කර සිටි හිටපු විදේශ කටයුතු අමාත්‍ය රෝහිත බෝගොල්ලාගම මහතා ඇප මත මුදාහැරීමට කොළඹ මහාධිකරණය නියෝග කර තිබේ.
කොළඹ මහාධිකරණ විනිසුරු රශාන්ත ගොඩවෙල මහතා විසින් මෙම නියෝගය නිකුත් කර ඇත.
කෙසේ වෙතත්, අධිකරණය නියම කළ ඇප කොන්දේසි සපුරාලීමට නොහැකි වීම හේතුවෙන් බෝගොල්ලාගම මහතා යළි බන්ධනාගාර භාරයට ගෙන තිබේ.
මේ අතර විත්තියේ නීතිඥවරුන් විසින් විත්තිවාචක කැඳවීමකින් තොරව විත්තිකරු මුදාහරින ලෙස කළ ඉල්ලීම ද මහාධිකරණ විනිසුරුවරයා ප්‍රතික්ෂේප කර ඇත. ඒ වෙනුවට විත්තියේ සාක්ෂි ඉදිරිපත් කරන ලෙස විනිසුරුවරයා නියෝග කර තිබේ.
