ශ්‍රී ලංකාවට ආනයනය කිරීමේදී අදාළ බදු නොගෙවීම සහ බදු වංචා කිරීම සම්බන්ධයෙන් එල්ල වී ඇති චෝදනාවලට වරද පිළිගැනීමට සූදානම් බව හිටපු අමාත්‍ය ජොන්ස්ටන් ප්‍රනාන්දු මහතා කොළඹ කොටුව මහේස්ත්‍රාත් අධිකරණයට දැනුම් දී තිබේ.
කොළඹ පිහිටි පෞද්ගලික හෝටලයක අතහැර දමා තිබියදී සොයාගත් සුඛෝපභෝගී වාහනයක් සම්බන්ධයෙන් පවරා ඇති නඩුවේදී සිය නීතිඥවරුන් මාර්ගයෙන් හිටපු අමාත්‍යවරයා මේ බව අධිකරණයට දැනුම් දී ඇත.
අදාළ වාහනය ශ්‍රී ලංකාවට ආනයනය කිරීමේදී නියමිත බදු නොගෙවා තිබීම සහ බදු වංචා කිරීම සම්බන්ධයෙන් ඔහුට චෝදනා එල්ල වී තිබේ. මෙම නඩුව සම්බන්ධයෙන් අධිකරණයේ තීන්දුව නොවැම්බර් 11 වැනිදා ප්‍රකාශයට පත් කිරීමට නියමිතය.
