2019 වසරේ වනාතවිල්ලුව ලැක්ටෝවත්ත ප්‍රදේශයේ ඉඩමක පුපුරණ ද්‍රව්‍ය සහ වෙනත් තහනම් ද්‍රව්‍ය තොගයක් සඟවා තබාගැනීම සම්බන්ධයෙන් වරද පිළිගත් විත්තිකරුවන් දෙදෙනෙකුට කොළඹ මහාධිකරණය විසින් වසර 10 බැගින් වූ බරපතළ වැඩ සහිත සිරදඬුවම් නියම කර තිබේ.
විත්තිකරුවන් දෙදෙනාට එරෙහි චෝදනා පිළිගැනීමෙන් අනතුරුව කොළඹ මහාධිකරණයේ ත්‍රිපුද්ගල විනිසුරු මඬුල්ල විසින් මෙම දඬුවම් නියම කර ඇත.
මහාධිකරණ විනිසුරුවරුන් වන ලාල් බණ්ඩාර, නයෝමි වික්‍රමසේකර සහ රශ්මි සිංගප්පුලි යන මහත්ම මහත්මීන්ගෙන් එම විනිසුරු මඬුල්ල සමන්විත විය.
පුපුරණ ද්‍රව්‍ය සහ වෙනත් තහනම් ද්‍රව්‍ය සන්තකයේ තබාගැනීම සහ ගබඩා කිරීම ඇතුළු චෝදනා කිහිපයක් යටතේ නීතිපතිවරයා විසින් විත්තිකරුවන් දෙදෙනාට එරෙහිව මෙම නඩුව පවරා තිබිණි.
