හිටපු ජනාධිපති මහින්ද රාජපක්ෂ මහතාගේ බිරිඳ වන හිටපු ජනාධිපති ආර්යාව ශිරන්ති රාජපක්ෂ මහත්මිය අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගැනීමෙන් පසු අද (07) අල්ලස් කොමිසම වෙත රැගෙනවිත් තිබේ.
කිරුළපන පූර්වාරාම පාරේ පිහිටි ඇයගේ නිවසේදී අද පෙරවරුවේ මෙම අත්අඩංගුවට ගැනීම සිදුකර ඇත. අල්ලස් කොමිසම සඳහන් කළේ ඇයගෙන් පැය දෙකකට ආසන්න කාලයක් ප්‍රකාශයක් සටහන් කර ගැනීමෙන් අනතුරුව අත්අඩංගුවට ගත් බවයි.
‘සිරිලිය සවිය’ අරමුදලට සම්බන්ධ ගිණුමක සිදුව ඇතැයි කියන මූල්‍ය අක්‍රමිකතා සහ ගනුදෙනු සම්බන්ධයෙන් සිදුකරන විමර්ශනයකට අදාළව මෙම අත්අඩංගුවට ගැනීම සිදුකර ඇති බව අල්ලස් කොමිසම සඳහන් කරයි.
