හිටපු ජනාධිපති ආර්යා ශිරන්ති රාජපක්ෂ මහත්මිය විසින් ගොනු කර ඇති අපේක්ෂිත ඇප ඉල්ලුම්පත සම්බන්ධයෙන් ඔක්තෝබර් 12 වැනිදා අධිකරණය හමුවේ පෙනී සිටින ලෙස මූල්‍ය අපරාධ විමර්ශන කොට්ඨාසයේ (FCID) ස්ථානාධිපතිවරයාට මාලිගාකන්ද මහේස්ත්‍රාත් අධිකරණය නොතීසි නිකුත් කර තිබේ.
‘සිරිලිය සවිය’ ගිණුම සම්බන්ධයෙන් සිදුකෙරෙන විමර්ශනයකට අදාළව ශිරන්ති රාජපක්ෂ මහත්මිය මෙම අපේක්ෂිත ඇප ඉල්ලුම්පත ගොනු කර තිබේ. ඒ අනුව අදාළ ඉල්ලුම්පත සම්බන්ධයෙන් කරුණු දැක්වීම සඳහා FCID ස්ථානාධිපතිවරයා ඔක්තෝබර් 12 වැනිදා අධිකරණය හමුවේ පෙනී සිටීමට නියමිතය.
