හිටපු ජනාධිපති රනිල් වික්‍රමසිංහ මහතාගේ ආරක්ෂක නිලධාරියෙකුට පහරදුන් බවට චෝදනා එල්ල වූ පෞද්ගලික මාධ්‍ය ආයතනයකට අනුයුක්ත කැමරා ශිල්පියෙකු කොම්පඤ්ඤවීදිය පොලිසිය විසින් අත්අඩංගුවට ගෙන තිබේ.
සැප්තැම්බර් 30 වන දින හිටපු ජනාධිපතිවරයා කොටුව මහේස්ත්‍රාත් අධිකරණයේ පැවති නඩු කටයුත්තකට සහභාගි වීමෙන් අනතුරුව අධිකරණ පරිශ්‍රයෙන් පිටතට පැමිණෙමින් සිටියදී මෙම සිද්ධිය සිදුව ඇත. එහිදී සිද්ධිය ආවරණය කරමින් සිටි කැමරා ශිල්පියා විසින් හිටපු ජනාධිපතිවරයාගේ ආරක්ෂක නිලධාරියෙකුට පහරදුන් බවට චෝදනා එල්ල වී ඇති අතර පහරකෑමට ලක් වූ ආරක්ෂක නිලධාරියා ප්‍රතිකාර සඳහා රෝහල්ගත කර ඇති අතර සිද්ධිය සම්බන්ධයෙන් පොලිසියට පැමිණිල්ලක්ද ඉදිරිපත් කර තිබේ.
