එයාර්බස් ගනුදෙනුව සම්බන්ධයෙන් එල්ල වී ඇති චෝදනා පිළිබඳ විමර්ශනවලට අදාළව හිටපු භාණ්ඩාගාර ලේකම් සහ හිටපු ජනාධිපති ලේකම් ආචාර්ය පී.බී. ජයසුන්දර මහතාගෙන් අල්ලස් හෝ දූෂණ චෝදනා විමර්ශන කොමිෂන් සභාව පැය හතරකට ආසන්න කාලයක් ප්‍රකාශයක් සටහන් කරගෙන ඇති බව වාර්තා වේ.
කොමිෂන් සභා නිලධාරීන් නිකවැරටියේ පිහිටි ජයසුන්දර මහතාගේ නිවසට ගොස් මෙම ප්‍රකාශය සටහන් කරගෙන ඇති අතර එය එයාර්බස් ගනුදෙනුව සම්බන්ධයෙන් සිදු කෙරෙන විමර්ශනයේ කොටසක් බව කොමිෂන් සභාව සඳහන් කර ඇත.
