පාර්ලිමේන්තු මන්ත්රී නාමල් රාජපක්ෂ මහතා ‘ක්රිෂ්’ ගනුදෙනුව සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් කොළඹ ප්රධාන මහේස්ත්රාත් අධිකරණයේ පවරා ඇති නඩුවට අදාළව අද (29) පෙරවරුවේ කොළඹ කොටුව මහේස්ත්රාත් අධිකරණයට ඉදිරිපත් කර තිබේ.
අදාළ නඩුවේ සිව්වැනි සැකකරු ලෙස නාමල් රාජපක්ෂ මහතා නම් කර ඇත.
‘ක්රිෂ්’ ගනුදෙනුව සම්බන්ධ විමර්ශනයේදී, කොළඹ කොටුව ප්රදේශයේ නාගරික සංවර්ධන අධිකාරියට අයත් ඉඩමක් Krrish Transworks Colombo (Pvt) Ltd වෙත ලබාගැනීමට සහ ඒ සඳහා අවශ්ය අනුමැතීන් කඩිනම් කර ගැනීමට සහාය වීම වෙනුවෙන් රුපියල් මිලියන 70ක මුදලක් අවස්ථා තුනකදී නාමල් රාජපක්ෂ මහතා වෙත ලබාදී ඇති බවට හිටපු ක්රිෂ් සමූහයේ විධායක අධ්යක්ෂිකා ජානකි සිරිවර්ධන මහත්මියට චෝදනා එල්ල වී තිබේ.
එම චෝදනා සම්බන්ධයෙන් ජානකි සිරිවර්ධන මහත්මිය සැප්තැම්බර් 24 වැනිදා අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගනු ලැබූ අතර, ඔක්තෝබර් 6 වැනිදා දක්වා රක්ෂිත බන්ධනාගාරගත කර තිබේ.
නාමල් රාජපක්ෂ මහතා මේ වනවිට වෙනත් නඩුවකට අදාළව රක්ෂිත බන්ධනාගාරගතව සිටී. ‘ක්රිෂ්’ ගනුදෙනුව සම්බන්ධයෙන් ඔහුගෙන් බන්ධනාගාරය තුළදී ප්රකාශයක් ලබාගැනීමට ද අධිකරණය මීට පෙර අල්ලස් කොමිසමට අවසර ලබාදී තිබිණි.
