පොස්පේට් අපනයනයකට අදාළව රුපියල් මිලියන 8.1ක අල්ලස් මුදලක් ලබාගත් බවට චෝදනා කරමින් ඌව පළාත් සභාවට අනුයුක්ත සංවර්ධන නිලධාරියෙකු අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් සැප්තැම්බර් (21) අත්අඩංගුවට ගෙන තිබේ.
අදාළ සැකකරු මීට පෙර හිටපු ප්රාථමික කර්මාන්ත රාජ්ය අමාත්ය චාමර සම්පත් දසනායක මහතාගේ පෞද්ගලික ලේකම්වරයා ලෙස ද කටයුතු කර ඇති අතර ලංකා පොස්පේට් සමාගම හරහා තෝරාගත් සමාගම් තුනකට නියමිත නියාමන ක්රියාපටිපාටිවලින් බැහැරව පොස්පේට් අපනයනය කිරීමට පහසුකම් සැලසීම සඳහා සැකකරු විසින් රුපියල් මිලියන 8.1ක මුදලක් ඉල්ලා ලබාගෙන ඇති බවට කොමිසම චෝදනා කර ඇත.
එම සමාගම් තුන සඳහා පමණක් අනුමත ක්රියාපටිපාටිවලින් බැහැරව පොස්පේට් අපනයනය කිරීමට පහසුකම් සැලසීමටත්, ඒ සඳහා අවශ්ය අපනයන බලපත්ර ලබාගැනීමට සහාය වීමටත් සැකකරු එකඟ වී ඇති බවට ද චෝදනා එල්ල වී ඇති අතර අදාළ අල්ලස් ගනුදෙනුව සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභා නිලධාරීන් සිදුකළ මෙහෙයුමකින් අනතුරුව සැකකරු අත්අඩංගුවට ගෙන ඇත.
