රන් ආලේපිත ගිනි අවියක් සොයාගැනීමේ සිද්ධිය සම්බන්ධයෙන් හිටපු අමාත්ය දුමින්ද දිසානායක මහතා ඇතුළු කාන්තාවකට අද (10) කොළඹ මහාධිකරණය හමුවේ අධිචෝදනා ගොනු කර තිබේ.
අදාළ නඩුව අද කොළඹ මහාධිකරණය හමුවේ කැඳවූ අවස්ථාවේදී විත්තිකරුවන් දෙදෙනා වෙත අධිචෝදනා පත්ර විධිමත්ව භාරදී ඇත. අධිචෝදනා ගොනු කිරීමෙන් අනතුරුව හිටපු අමාත්ය දුමින්ද දිසානායක මහතා ඇතුළු විත්තිකරුවන් දෙදෙනා ඇප මත මුදාහැරීමට මහාධිකරණ විනිසුරුවරයා නියෝග කර තිබේ.
රන් ආලේපිත ගිනි අවියක් සොයාගැනීම සම්බන්ධයෙන් මෙම නඩුව පවරා ඇති අතර නඩුවේ ඉදිරි කටයුතු කොළඹ මහාධිකරණය හමුවේ තවදුරටත් සිදුකිරීමට නියමිතය.
