රක්ෂිත බන්ධනාගාරගත කර සිටින ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතාට නිවසින් රැගෙන එන ආහාර ලබාගැනීමට අවසර ලබාදී ඇති බව බන්ධනාගාර දෙපාර්තමේන්තුවේ මාධ්ය ප්රකාශක සේනක පල්ලත්තන මහතා මාධ්ය වෙත පවසා ඇත.
එයාර්බස් ගුවන් යානා මිලදී ගැනීමේදී අල්ලස් ලබාගත් බවට සැකපිට අත්අඩංගුවට ගත් නාමල් රාජපක්ෂ මහතා ලබන 18 වැනිදා දක්වා රක්ෂිත බන්ධනාගාරගත කර තිබේ. ඒ පසුගිය සිකුරාදා කොළඹ මහේස්ත්රාත් අධිකරණය ලබාදුන් නියෝගයකට අනුවය.
නාමල් රාජපක්ෂ මහතා මේ වන විට කොළඹ රිමාන්ඩ් බන්ධනාගාරයේ රඳවා සිටින බව බන්ධනාගාර මාධ්ය ප්රකාශකවරයා මාධ්ය වෙත පවසා ඇති අතර ඔහු රඳවා සිටින වාට්ටුව ආශ්රිතව විශේෂ ආරක්ෂක වැඩපිළිවෙළක් ක්රියාත්මක කර ඇති බවද පවසා ඇත. එමෙන්ම නාමල් රාජපක්ෂ මහතා බැලීම සඳහා දිනකට පුද්ගලයන් තිදෙනෙකුට අවසර ලබාදී ඇති බවත් පවසා ඇත.
නාමල් රාජපක්ෂ මහතාගේ මව වන ශිරන්ති රාජපක්ෂ මහත්මිය අද (07) පෙරවරුවේ වැලිකඩ බන්ධනාගාරය වෙත පැමිණ පැමිණ තිබුණු අතර පාර්ලිමේන්තු මන්ත්රී රෝහිත අබේගුණවර්ධන සහ උදය ගම්මන්පිල යන මහත්වරුන්ද අද පෙරවරුවේ වැලිකඩ බන්ධනාගාරය පැමිණ තිබිණි.
