සියලුම විදුලි මෝටර් රථ සඳහා කොළ පැහැති පසුබිමක් සහිත අංක තහඩු නිකුත් කිරීමට පියවර ගෙන ඇති බව මෝටර් රථ ප්රවාහන දෙපාර්තමේන්තුව පවසා ඇත.
එම දෙපාර්තමේන්තුවේ කොමසාරිස් ජනරාල් විශ්රාමික එයාර් වයිස් මාර්ෂල් තුෂාර ප්රනාන්දු මහතා මාධ්ය වෙත පවසා ඇත්තේ මේ වන විට කොළ පැහැති පසුබිමක් සහිත අංක තහඩු 8,000කට ආසන්න සංඛ්යාවක් මුද්රණය කර ඇති බවයි.
ප්රවාහන අමාත්යාංශයේ උපදෙස් මත විදුලි වාහන සඳහා කොළ පැහැති පසුබිමක් සහිත අංක තහඩු නිකුත් කිරීමට තීරණය කළ බවත් ඒ සඳහා අදාළ නිවේදනය ගැසට් පත්රයේ පළ කිරීම සඳහා මේ වන විටත් යොමු කර ඇති බවත් කොළ පැහැති පසුබිමක් සහිත අංක තහඩු නීත්යනුකූලව වලංගු බව සියලු පොලිස් ස්ථාන දැනුවත් කරන ලෙස පොලිස්පතිවරයාගෙන් ඉල්ලා ඇති බවත් කොමසාරිස් ජනරාල්වරයා මාධ්ය වෙත පවසා ඇත.
