දිවයිනේ දිස්ත්රික්ක හයකට බලපා ඇති වියළි කාලගුණ තත්ත්වය හේතුවෙන් පුද්ගලයන් 96,584 දෙනෙකු පීඩාවට පත්ව ඇති බව ආපදා කළමනාකරණ මධ්යස්ථානය පවසයි.
ඒ අනුව අම්පාර, බදුල්ල, මඩකලපුව, මොනරාගල, පොළොන්නරුව සහ රත්නපුර යන දිස්ත්රික්කවල ප්රාදේශීය ලේකම් කොට්ඨාස 28ක පවුල් 29,584කට අයත් පුද්ගලයන් 94,356 දෙනෙකු වියළි කාලගුණ තත්ත්වයෙන් පීඩාවට පත්ව ඇති බව ආපදා කළමනාකරණ මධ්යස්ථානය සඳහන් කර ඇත.
වියළි කාලගුණයෙන් වැඩිම පිරිසක් පීඩාවට පත්ව ඇත්තේ මොනරාගල දිස්ත්රික්කයේ බවත් එම දිස්ත්රික්කයේ පවුල් 11,751ක් වියලි කාලගුණයෙන් බලපෑමට ලක් ව ඇති බවත් මධ්යස්ථානය පවසා ඇත.
මේ අතර වියළි කාලගුණ තත්ත්වය හේතුවෙන් පීඩාවට පත්ව සිටින ජනතාව සඳහා පානීය ජලය බෙදාදීම අඛණ්ඩව සිදුකරමින් පවතී. තවද දිස්ත්රික්ක හයෙහි ප්රාදේශීය ලේකම් කොට්ඨාස 28ක් ආවරණය වන පරිදි මේ වන විට පානීය ජලය බෙදාදීම සිදුකරන බවද ආපදා කළමනාකරණ මධ්යස්ථානය වැඩිදුරටත් සඳහන් කර ඇත.
