හිටපු අමාත්ය ජොන්ස්ටන් ප්රනාන්දු මහතා අල්ලස් හෝ දූෂණ චෝදනා විමර්ශන කොමිෂන් සභාව විසින් අද (04) අත්අඩංගුවට ගෙන තිබේ.
කොමිෂන් සභාව විසින් සිදු කරගෙන යනු ලබන විමර්ශනයකට අදාළව ප්රකාශයක් ලබාදීම සඳහා ප්රනාන්දු මහතා අද පෙරවරුවේ අල්ලස් කොමිසම වෙත පැමිණීමෙන් අනතුරුව මෙලෙස අත්අඩංගුවට ගෙන ඇති බව වාර්තා වේ.
අල්ලස් කොමිසමට පැමිණ ප්රකාශයක් ලබාදීමට ඔහුට කැඳවීමක් සිදුකර තිබූ අතර, එම කැඳවීම අනුව උදෑසන අල්ලස් කොමිසම වෙත පැමිණ ඇත.
මහින්ද රාජපක්ෂ ශ්රවණාගාරය සඳහා පොල්ගොල්ලේදී පුටු මිලදී ගැනීමේදී අනුගමනය කළ යුතු ප්රසම්පාදන ක්රියාවලිය අනුගමනය නොකළ බවට ප්රනාන්දු මහතාට චෝදනා එල්ල වී ඇති අතර එමගින් රජයට රුපියල් 7,973,114ක මූල්ය පාඩුවක් සිදුවූ බවට චෝදනා එල්ල වී ඇත.
අදාළ මිලදී ගැනීමේදී සිදුවූ බව කියන අක්රමිකතා සහ එමගින් රාජ්යයට සිදුවූ බව කියන පාඩුව සම්බන්ධයෙන් විමර්ශනය සිදුකෙරෙන බව අල්ලස් කොමිසම සඳහන් කර ඇති අතර එම සිද්ධිය සම්බන්ධයෙන් දූෂණ වරදක් සිදුකළ බවට එල්ල වී ඇති චෝදනා මත ජොන්ස්ටන් ප්රනාන්දු මහතා අත්අඩංගුවට ගෙන ඇති බවද වාර්තා වේ.
