ආණ්ඩුව විසින් පාර්ලිමේන්තුවට ඉදිරිපත් කර ඇති 22 වැනි ආණ්ඩුක්රම ව්යවස්ථා සංශෝධන පනත් කෙටුම්පතට එරෙහිව ගොනු කර ඇති පෙත්සම් සම්බන්ධයෙන් කරුණු සලකා බැලීම ශ්රේෂ්ඨාධිකරණයේදී අද (01) ආරම්භ කෙරිණි.
අදාළ පෙත්සම් අගවිනිසුරු ප්රීති පද්මන් සූරසේන මහතා ප්රමුඛ පස් දෙනෙකුගෙන් සමන්විත ශ්රේෂ්ඨාධිකරණ විනිසුරු මඬුල්ලක් හමුවේ විභාගයට ගනු ලැබේ.
එම විනිසුරු මඬුල්ලට අගවිනිසුරු ප්රීති පද්මන් සූරසේන මහතා සමඟ විනිසුරුවරුන් වන අචල වෙන්ගප්පුලි, අර්ජුන ඔබේසේකර, සම්පත් අබේකෝන් සහ ගිහාන් කුලතුංග යන මහත්වරු ඇතුළත් වෙති.
22 වැනි ආණ්ඩුක්රම ව්යවස්ථා සංශෝධන පනත් කෙටුම්පත සම්බන්ධයෙන් මේ වන විට පෙත්සම් 67ක් ගොනු කර ඇති බව වාර්තා වේ. එමෙන්ම රජය විසින් පාර්ලිමේන්තුවට ඉදිරිපත් කර ඇති අධිකරණ සංවිධාන සංශෝධන පනත් කෙටුම්පතට එරෙහිව ද පෙත්සම් පහක් ගොනු කර තිබේ.
22 වැනි ආණ්ඩුක්රම ව්යවස්ථා සංශෝධන පනත් කෙටුම්පත පාර්ලිමේන්තුවට ඉදිරිපත් කිරීමෙන් අනතුරුව එහි ව්යවස්ථානුකූලභාවය සම්බන්ධයෙන් විරෝධතා සහ අභියෝග ඉදිරිපත් කිරීමට ලබාදී තිබූ කාලය තුළ මෙම පෙත්සම් ගොනු කර ඇත. අදාළ පෙත්සම් මුලින් අද දිනයේ ශ්රේෂ්ඨාධිකරණයේ අංක 502 ශාලාවේදී විභාගයට ගැනීමට නියමිතව තිබිණි.
කෙසේ වෙතත්, පෙත්සම් විභාගයට ගැනීම ආරම්භ කිරීමට පෙර නීතිඥවරුන් පිරිසක් අධිකරණයෙන් ඉල්ලා සිටියේ අංක 502 අධිකරණ ශාලාවේ ප්රමාණවත් ඉඩකඩ නොමැති බැවින් නඩු විභාගය වෙනත් අධිකරණ ශාලාවකට මාරු කරන ලෙසය. ජනාධිපති නීතිඥ එම්.ඒ. සුමන්තිරන් මහතා ඇතුළු නීතිඥවරුන් මෙම ඉල්ලීම ඉදිරිපත් කර තිබේ.
ඒ අනුව කරුණු සලකා බැලූ පස් දෙනෙකුගෙන් සමන්විත ශ්රේෂ්ඨාධිකරණ විනිසුරු මඬුල්ල, 22 වැනි ආණ්ඩුක්රම ව්යවස්ථා සංශෝධන පනත් කෙටුම්පතට එරෙහි පෙත්සම් සම්බන්ධ නඩු විභාගය අංක 501 අධිකරණ ශාලාව වෙත මාරු කිරීමට තීරණය කර ඇති අතර ඉන් අනතුරුව එම පෙත්සම් සම්බන්ධයෙන් ඉදිරිපත් කර ඇති කරුණු පිළිබඳ ශ්රේෂ්ඨාධිකරණයේ සලකා බැලීම ආරම්භ වී ඇත.
22 වැනි ආණ්ඩුක්රම ව්යවස්ථා සංශෝධනය සම්බන්ධයෙන් ඉදිරිපත් කර ඇති පෙත්සම්වලින් ප්රධාන වශයෙන් අවධානය යොමු කර ඇත්තේ අදාළ පනත් කෙටුම්පත සම්මත කිරීම සඳහා පාර්ලිමේන්තුවේ තුනෙන් දෙකක බහුතරයක් පමණක් ප්රමාණවත්ද, නැතහොත් ජනමත විචාරණයකදී ජනතා අනුමැතිය ද අවශ්යද යන්න ඇතුළු ව්යවස්ථානුකූල කරුණු සම්බන්ධයෙනි.
අදාළ පෙත්සම් සම්බන්ධයෙන් ශ්රේෂ්ඨාධිකරණය ලබාදෙන තීරණය අනුව 22 වැනි ආණ්ඩුක්රම ව්යවස්ථා සංශෝධන පනත් කෙටුම්පත ඉදිරියට ගෙන යා යුතු ව්යවස්ථානුකූල ක්රියාපටිපාටිය තීරණය වනු ඇත.
