22 වැනි ආණ්ඩුක්රම ව්යවස්ථා සංශෝධනය සම්බන්ධයෙන් ඉදිරිපත් වී ඇති පෙත්සම් විභාග කිරීම සඳහා අගවිනිසුරු ප්රීති පද්මන් සූරසේන විසින්ම විනිශ්චය මණ්ඩලය නම් කරනු ලැබ ඇත.
ඒ අනුව, එම පෙත්සම් විභාගය සඳහා අගවිනිසුරුවරයා තමාද ඇතුළු විනිසුරු අචංල වෙංගප්පුලි, විනිසුරු අර්ජුන ඔබේසේකර, විනිසුරු සම්පත් අබේකෝන් හා විනිසුරු ගිහාන් කුලතුංගගෙන් සමන්විත පංච පුද්ගල විනිසුරු මඬුල්ලක් නම් කර ඇත.
මෙම විනිසුරු මඬුල්ල අගවිනිසුරරුවරයා විසින්ම නම් කර ඇත්තේ, 22 වවැනි ආණ්ඩුක්රම ව්යවස්ථා සංශෝධනයේ වැඩිම ප්රතිලාභියා අගවිනිසුරුවරයා වන බැවින්, යුක්තිය ඉටුවීම සඳහා එක්කෝ අගවිනිසුරුවරයා නොමැති විනිසුරු මඬුල්ලක් පත්කරන ලෙස හෝ ශ්රේෂ්ඨාධිකරණයේ සියලුම විනිසුරුවරුන් පෙත්සම් විභාගය සඳහා සහභාගි වන ලෙස හෝ සියලුම පෙත්සම්කරුවන්ගෙන් ඉල්ලීම් ලැබී තිබෙන තත්වයක් යටතේය.
මෙම විනිසුරු මඬුල්ලේ තවත් විශේෂත්වයක් වන්නේ, අගවිනිසුරු හැරුණු විට ශ්රේෂ්ඨාධිකරණයේ ජ්යෙෂ්ඨතම විනිසුරුවරුන් වන යසන්ත කෝදාගොඩ සහ දිලිප් නවාස් මෙන්ම, ශිරාන් ගුණරත්න යන විනිසුරුවරුන්ද විනිසුරු මඬුල්ලට ඇතුළත් නොකිරීමයි.
විනිසුරු යසන්ත කෝදාගොඩ, පසුගිය මෑත කාලයේදී මූලික අයිතිවාසිකම් නඩුවල විනිසුරු මඬුල්ලට පත්නොකිරීමද විශේෂයෙන් දක්නට ලැබුණු ලක්ෂණයක් විය. මේ අතර ශ්රේෂ්ඨාධිකරණයේ කනිෂ්ඨතම විනිසුරුවරයා වන ගිහාන් කුලතුංග ද මෙම විනිසුරු මඬුල්ලේ සාමාජිකයකු ලෙස අගවිනිසුරුවරයා විසින් පත්කරනු ලැබ තිබේ. මෙම පෙත්සම් පිළිබඳ විමසීම සැප්තැම්බර් 1 වැනිදා ආරම්භ කිරීමට නියමිතව ඇත.
