අධිකරණ අමාත්ය හර්ෂන නානායක්කාර මහතාට එරෙහිව විපක්ෂය ඉදිරිපත් කළ විශ්වාසභංග යෝජනාව (අද) ජුලි 24 දින විවාදයට ගැනීමට නියමිතය.
මෙම විශ්වාසභංග යෝජනාව විපක්ෂය විසින් පසුගිය ජුලි 21 වැනිදා කථානායකවරයා වෙත භාර දී තිබුණි.
එම විශ්වාසභංග යෝජනාවේ විපක්ෂය සඳහන් කර ඇත්තේ මීගමුව බන්ධනාගාරයේ ඇති වූ සිද්ධියේදී රැඳවියන්ගේ සහ බන්ධනාගාර නිලධාරීන්ගේ ආරක්ෂාව සම්බන්ධයෙන් සිය වගකීම හා වගවීම නිසි ලෙස ඉටු කිරීමට අමාත්යවරයා අපොහොසත් වූ බවට චෝදනා කරමින් මෙම විශ්වාසභංග යෝජනාව ඉදිරිපත් කළ බවයි.
ඒ අනුව අද දින පාර්ලිමේන්තු කාලසටහන අනුව පෙරවරු 9.30 සිට 10.00 දක්වා ස්ථාවර නියෝග 22 යටතේ පාර්ලිමේන්තු කටයුතු සිදු කෙරෙන අතර පෙරවරු 10.00 සිට 11.00 දක්වා වාචික පිළිතුරු අපේක්ෂා කරන ප්රශ්න සඳහා කාලය වෙන් කර ඇත. පෙරවරු 11.00 සිට 11.30 දක්වා ස්ථාවර නියෝග 27(2) යටතේ ප්රශ්න සඳහා කාලය වෙන් කර ඇත.
ඉන් අනතුරුව පෙරවරු 11.30 සිට පස්වරු 5.30 දක්වා අධිකරණ අමාත්යවරයාට එරෙහි විශ්වාසභංග යෝජනාව පිළිබඳ විවාදය පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කර ඇත.
