බාල ගල් අඟුරු භාවිත කිරීම නිසා නොරොච්චෝලය ගල් අඟුරු බලාගාරයෙන් වර්තමානයේ නිකුත් වෙන දුම් සහ අළු නොරොච්චෝලය ගල් අඟුරු බලාගාරයෙන්ම කළමනාකරණය කරගන්නේ කෙසේදැයි දක්වන වාර්තාවක් අප්රේල් දෙවන සතියේදී පුත්තලම් දිස්ත්රික්ක ලේකම් කාර්යාලයට භාරදීමට නියමිත බව එහි උසස් නිලධාරියෙක් පැවසීය.
පුත්තලම දිස්ත්රික්ක ලේකම් කාර්යාලයෙන් අප කළ විමසීමකදී එහි ඉහළ නිලධාරියෙකු පැවසුවේ නොරොච්චෝල ගල් අඟුරු බලාගාරය නිරීක්ෂණය කිරීමට පුත්තලම දිස්ත්රික් ලේකම් කාර්යාලයේ නිලධාරීන්, පරිසර අධිකාරියේ නිලධාරීන් සහ සෞඛ්ය අමාත්යාංශයේ නිලධාරීන් පිරිසක් මාර්තු මාසයේ අවසානයේ ගිය බවය. එහිදී නොරොච්චෝලය බලාගාරයේ ඉහළ නිලධාරීන්, ගල් අඟුරු සම්බන්ධයෙන් තවමත් කිසිදු ප්රශ්නයක් ඇති වී නැති බවත් පිට වන අළු බලාගාරය තුළම කළමනාකරණය කරගන්නට කටයුතු කරන බවත් තම කණ්ඩායමට දැනුම් දුන් බව ඒ මහතා පැවසීය.
තවද දැනට බලාගාරයේ චිමිනිවලින් පිටවන අළු සියල්ල බලාගාරයේ කොටසක ගබඩා කර එම අළු සුළඟට හසු වී පිටතට නොයන සේ බලාගාරයේ සේවකයන් අළුවලට වතුර දමමින් තැන්පත් කර ඇති බවත් ඒ මහතා පැවසීය.
