හිටපු ජනාධිපති රනිල් වික්රමසිංහ මහතාගේ බිරිඳ වන මහාචාර්ය මෛත්රී වික්රමසිංහ පොලිස් මූල්ය අපරාධ විමර්ෂන කොට්ඨාශය හමුවේ පෙනී සිටිමට නොහැකි බව දන්වා ඇති බව හිටපු පාර්ලිමේන්තු මන්ත්රි සමන් රත්නප්රිය මහතා පවසයි.
මෛත්රී වික්රමසිංහ මහත්මියට පෙබරවාරි 20 දින පොලිස් මූල්ය අපරාධ විමර්ෂන කොට්ඨාශය හමුවේ පෙනී සිටින ලෙස කොල්ලුපිටිය පොලිසිය මාර්ගයෙන් දැනුම් දීමක් සිදු කර ඇති නමුත් ඇගේ පෞද්ගලික කාරණවක් නිසා එදින එෆ්සීඅයිඩීයට නොයන බවත් ඇයට එම විමර්ශන කොට්ඨාශය ඉදිරියේ පෙනී සිටිමට වෙනත් දිනයක් ලබා දෙන ලෙස ඉල්ලීමක් කර ඇති බවත් රත්නප්රිය මහතා පවසයි.
රනිල් වික්රමසිංහ මහතාගේ ජනාධිපති ධුරය සමයේ මෛත්රී වික්රමසිංහ මහත්මියට බි්රතාන්යයේ පිරිනැමූ ආචාර්ය උපාධි උත්සවකට රනිල් වික්රමසිංහ මහතා ඇතුළු කණ්ඩායමක් සහභාගි වී තිබුණු අතර එම සංචාරයේදී රජයට පාඩුවක් සිදු කළ බවට පවසමින් පැවැත්වෙන විමර්ශනයකට අදාළව කරුණු විමසීමට මෛත්රී වික්රමසිංහ මහත්මියව මෙසේ පොලිස් මූල්ය අපරාධ විමර්ශන කොට්ඨාශයට කැඳවා ඇත.
