හිටපු ජනාධිපති ගෝඨාභය රාජපක්ෂගේ පෞද්ගලික ලේකම්වරයකු ලෙස කටයුතු කළ සුගීෂ්වර බණ්ඩාර මහතා ලබන ඔක්තෝබර් 28 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ මහේස්ත්‍රාත් අධිකරණය නියෝග කර තිබේ.
ඔක්තෝබර් 21 දින සූගීෂ්වර මහතාව අධිකරණයට ඉදිරිපත් කිරීමෙන් අනතුරුව මෙම නියෝගය ලබා දී ඇත.
2022 වසරේදී ගෝඨාභය රාජපක්ෂ මහතා ජනාධිපති ධුරය දැරූ සමයේ ජනාධිපතිවරයාගේ ලේකම්වරයකු ලෙස කටයුතු කරමින් ජනාධිපති වැය ශීර්ෂයෙන් වැටුප් දෙකක් ලබාගත් බවට සුගීෂ්වර බණ්ඩාර මහතාට චෝදනා එල්ල වී තිබේ. එමෙන්ම රනිල් වික්‍රමසිංහ මහතා ජනාධිපති ධුරය දැරූ කාලයේ ජනාධිපති ලේකම් කාර්යාලයේ ව්‍යාපෘති අධ්‍යක්ෂවරයකු ලෙස ද ඔහු කටයුතු කර ඇත.
