සිරදඬුවම් විඳිමින් සිටින ගලගොඩඅත්තේ ඥානසාර හිමියන්ගේ චීවරය ඉවත් කිරීමට බන්ධනාගාර බලධාරීන් ගත් තීරණය බලරහිත කරන ලෙස ඉල්ලා ගොනු කර ඇති පෙත්සම් ඔක්තෝබර් 22 වැනිදා සලකා බැලීමට අභියාචනාධිකරණය අද (15) නියෝග කර තිබේ.
අමල් රණරාජා, මහේන් ගොපල්ලව සහ ප්‍රියන්ත ප්‍රනාන්දු යන අභියාචනාධිකරණ විනිසුරුවරුන්ගෙන් සමන්විත විනිසුරු මඩුල්ලක් හමුවේ අද මෙම පෙත්සම් කැඳවනු ලැබීය. එහිදී ඉදිරිපත් වූ කරුණු සලකා බැලීමෙන් අනතුරුව අදාළ පෙත්සම් ඔක්තෝබර් 22 වැනිදා සලකා බැලීමට විනිසුරු මඩුල්ල නියෝග කළේය.
තිණියාවල පාලිත හිමියන් ඇතුළු හිමිවරු පිරිසක් විසින් මෙම පෙත්සම් ගොනු කරනු ලැබ තිබේ.
