නව විනිසුරු මඩුල්ලක් පත් කෙරේ
ගලගොඩඅත්තේ ඥානසාර හිමියන්ට සිරදඬුවම් නියම කිරීමෙන් පසු බන්ධනාගාර නිලධාරීන් විසින් උන්වහන්සේගේ චීවරය ඉවත් කිරීමට ගත් තීරණය බලරහිත කරන ලෙස ඉල්ලා ගොනු කර ඇති පෙත්සම් විභාග කරන විනිසුරු මඩුල්ලෙන් අභියාචනාධිකරණ සභාපති විනිසුරු රොහාන්ත අබේසූරිය මහතා අද (14) ඉවත් වී තිබේ.
ඒ අනුව අදාළ පෙත්සම් සලකා බැලීම සඳහා විනිසුරු අබේසූරිය මහතා විසින් නව ත්‍රිපුද්ගල විනිසුරු මඩුල්ලක් පත් කර ඇති අතර නව විනිසුරු මඩුල්ලට අමල් රණරාජා, මහේන් ගොපල්ලව සහ ප්‍රියන්ත ප්‍රනාන්දු යන විනිසුරුවරුන් ඇතුළත් වෙති.
ඥානසාර හිමියන්ට සිරදඬුවම් නියම කිරීමෙන් අනතුරුව උන්වහන්සේගේ චීවරය ඉවත් කිරීමට බන්ධනාගාර බලධාරීන් ගත් තීරණය අභියෝගයට ලක් කරමින් මෙම පෙත්සම් ගොනු කර තිබේ.
