හිටපු ප්‍රධාන මහේස්ත්‍රාත් සහ මොරටුව දිසා විනිසුරු තිළිණ ගමගේ මහතාට එරෙහිව එල්ල වී තිබූ සියලු චෝදනාවලට වරදකරු බව විමර්ශනයකදී තීරණය වීමෙන් අනතුරුව ඔහු සේවයෙන් ඉවත් කිරීමට අධිකරණ සේවා කොමිසම තීරණය කර තිබේ.
අලි පැටවකු නීතිවිරෝධී ලෙස සන්තකයේ තබාගැනීම ඇතුළු චෝදනා කිහිපයක් ඔහුට එරෙහිව එල්ල වී තිබිණි. එම චෝදනා සම්බන්ධයෙන් සිදුකළ විමර්ශනවලින් අනතුරුව අධිකරණ සේවා කොමිසම විසින් තිළිණ ගමගේ මහතාගේ සේවය අත්හිටුවීමට ද පියවර ගෙන තිබිණි.
අදාළ විමර්ශනයේදී ඔහුට එරෙහි සියලු චෝදනාවලට වරදකරු බව තීරණය කිරීමෙන් පසු ඔහු සේවයෙන් ඉවත් කිරීමට කොමිසම තීරණය කර ඇත.
