ඉස්ලාම් ආගමට අපහාස කළ බවට චෝදනා එල්ල වී ඇති පූජ්‍ය ගලගොඩඅත්තේ ඥානසාර හිමියන්ට එරෙහි නඩුව ඔක්තෝබර් 23 වැනිදා යළි කැඳවීමට කොළඹ මහාධිකරණය අද නියෝග කර තිබේ.
කොළඹ මහාධිකරණ විනිසුරු බුද්ධික සී. රාගල මහතා ඉදිරියේ නඩුව අද කැඳවනු ලැබීය. වරෙන්තුවක් මත අත්අඩංගුවට ගෙන සිටින ඥානසාර හිමියන් බන්ධනාගාර නිලධාරීන් විසින් අද අධිකරණයට ඉදිරිපත් කර ඇති අතර එහිදී ඒ හිමියන් සිවිල් ඇඳුමින් සැරසී අධිකරණයට පැමිණ ඇත.
අධිකරණය හමුවේ ඉදිරිපත් වූ කරුණු සලකා බැලීමෙන් අනතුරුව නඩුව ඔක්තෝබර් 23 වැනිදා යළි කැඳවීමට මහාධිකරණ විනිසුරුවරයා නියෝග කර තිබේ.
