22 වැනි ආණ්ඩුක්රම ව්යවස්ථා සංශෝධනය සම්බන්ධ කෙටුම්පත ශ්රේෂ්ඨාධිකරණය ඉදිරියේ අභියෝගයට ලක්කරමින් පෙත්සම් 67ක් ඉදිරිපත්ව තිබුණා. එය ලංකාවේ මෙවැනි කෙටුම්පතකට එරෙහිව ඉදිරිපත් වුණු වැඩිම පෙත්සම් සංඛ්යාව විය යුතුයි.
22 වෙනුවෙන් ආණ්ඩුව ඉදිරියට ගත් එක් ප්රධාන තර්කයක් වුණේ, එයින් පළපුරුදු ජ්යෙෂ්ඨ විනිසුරුවරුන්ගේ සේවය තවදුරටත් ලබාගන්නට හැකි බවයි.
එහෙත්, ආණ්ඩුවේ එම ප්රධාන තර්කය මේ වන විට පුස්සක් වී තිබෙනවා. ඒ 22 වැනි සංශෝධනය පිළිබඳ විභාගය සඳහා අගවිනිසුරුවරයා විසින් පත්කරන ලද පංච පුද්ගල විනිසුරු මඬුල්ලේ ස්වභාවය නිසායි.
22 වැනි සංශෝධනයේ ඉහළම ප්රතිලාභියා වන අගවිනිසුරුවරයා, එම පෙත්සම් විභාග කිරීම සඳහා විනිසුරු මඬුල්ල නම් කළා. එහිදී ශ්රේෂ්ඨාධිකරණයේ විනිසුරුවරුන්ගේ ජ්යෙෂ්ඨත්වය මුළුමනින්ම නොසලකා හැර තිබෙනවා.
ජ්යෙෂ්ඨත්වයේ අනුපිළිවෙළ අනුව ශ්රේෂ්ඨාධිකරණයේ සිටින විනිසුරුවරුන්ගේ ලැයිස්තුව මෙසේයි.
1. අගවිනිසසුරු ප්රීති පද්මන් සූරසේන
2. යසන්ත කෝදාගොඩ
3. ඒ එච් එම් දිලිප් නවාස්
4. ශිරාන් ගුණරත්න
5. ජනක් ද සිල්වා
6. අචල වෙංගප්පුලි
7. මහින්ද සමයවර්ධන
8. අර්ජුන ඔබේසේකර
9. සෝභිත රාජකරුණා
10. මේනකා විජේසුන්දර
11 සම්පත් අබේකෝන්
12. සම්පත් විජේරත්න
13. ගිහාන් කුලතුංග
මේ අය අතරින් අගවිනිසුරුවරයා පත්කළ පංච පුද්ගල විනිසුරු මඬුල්ල වන්නේ, අගවිනිසුරු, අචල වෙංගප්පුලි, අර්ජුන ඔබේසේකර, සම්පත් අබේකෝන් හා ගිහාන් කුලතුංගයි.
අචල වෙංගප්පුලි ජ්යෙෂ්ඨත්වයෙන් 6 වැනියා වන අතර, අර්ජුන ඔබේසේකර 8 වැනියායි. සම්පත් අබේකෝන් 11 වැනියා වන විට ගිහාන් කුලතුංග කනිෂ්ඨතම විනිසුරුවරයා හෙවත් 13 වැනියායි. ජනාධිපති අනුර කුමාර දිසානායක විසින් ඔහු ශ්රේෂ්ඨාධිකරණ විනිසුරුවරයකු ලෙස පත්කරන ලද්දේ 2025 දෙසැම්බර් මාසයේදීයි.
මේ ආකාරයට ජ්යෙෂ්ඨත්වය නොසලකා හැර විනිසුරු මඬුල්ල පත්කිරීමෙන්, ආණ්ඩුව මහජනතාව ඉදිරියේ නිර්මාණය කළ, ‘22න් ජ්යෙෂ්ඨත්වය හා පළපුරුද්ද යුක්තිය පසිඳලීම සඳහා යොදාගන්න පුළුවන්’ කියන තර්කය මුළුමනින්නම බිඳවැටෙනවා.
අගවිනිසුරුවරයා හැරුණු විට දෙවැනි ජ්යෙෂ්ඨතම තත්වයේ සිටින යසන්ත කෝදාගොඩ විනිසුරුවරයා, පසුගිය කාලය පුරාම, මූලික අයිතිවාසිකම් නඩුවල විනිශ්චයාසනවලට ඉතාම අඩුවෙන් නම් කිරීමද නිරීක්ෂණය කළ හැකියි. ශ්රේෂ්ඨාධිකරණයේ විනිසුරු මඬුලු නම් කිරීමේ බලය තිබෙන්නේ අගවිනිසුරුවරයාටයි.
