ඉදිරි ජනාධිපතිවරණය සඳහා දෙමළ ජාතික අපේක්ෂකයෙකු ඉදිරිපත් කිරීම සඳහා උතුරු පළාතේ සිදුවන දේශපාලන සාකච්ඡා තුළ ඒ සඳහා දේශපාලනඥයෙකු නොවන අපේක්ෂකයෙකු ඉදිරිපත් කිරීම සඳහා අවධානය යොමු වී ඇතැයි වාර්තාවේ.
යාපනය ප්‍රදේශයේ සිවිල් සමාජ වැඩ කටයුතුවලට සම්බන්ධ වන ආගමික පසුබිමක් ඇති පුද්ගලයෙකු ඒ සඳහා ඉදිරිපත් කිරීමට එම සාකච්ඡාවල නිරත පිරිස් විමසීමක් කර ඇතත් ඔහු එයට කැමැත්ත ප්‍රකාශ කර නැත.
ඒ නිසා විශ්වවිද්‍යාල ආචාර්යවරයෙකු දෙමළ අපේක්ෂකයා ලෙස ඉදිරිපත් කිරීමට සාකච්ඡා පැවැත්වෙන බවත් ඊට දෙමළ ඩයස්පෝරාවේ සහාය ලැබී ඇති බවත් වැඩිදුරටත් වාර්තාවේ.
අප්‍රේල් 17 දින යාපනයේ පැවති මාධ්‍ය සාකච්ඡාවකදී ඉලංකෙයි තමිල් අරසු පක්ෂයේ නායකත්වයට පත්වූ එස් ශ්‍රීධරන් මන්ත්‍රීවරයා පවසා ඇත්තේ දෙමළ අපේක්ෂකයෙකුට එම පක්ෂයේ සහාය හිමිවන බවයි.
