කෘතිම රා නිෂ්පාදනය කර හසු වූ විට රුපියල් ලක්ෂ 5ක දඩයක් පමණක් අයකර ගැනීමට කටයුතු කරන බවත් ඉන් එහාට ගිය නීතියක් ක්‍රියාත්මක නොවෙන තත්ත්වය නිසා දිගින් දිගටම විශාල වශයෙන් කෘතිම රා නිශ්පාදනය වෙමින් ඇති බවත් කරුණු වාර්තා වෙයි.
ලංකාව තුළ මේ වනවිට රා නිෂ්පාදනාගාර 46 ක් ක්‍රියාත්මකව පවතින බවත්, එම නිෂ්පාදනාගාර 46 දෛනිකව අධීක්ෂණය කිරීම සඳහා ක්‍රමවේදයක් නොමැති බවත් වාර්තා වෙන අතර ඒ අනුව ඕනෑම වෙලාවක කෘතිම රා නිෂ්පාදනය කිරීමේ හැකියාවක් පවතින බවත්, කරුණු වාර්තා වෙයි.
කෘතිම රා නිශ්පාදනය කර හසු වුවහොත් එම රා නිශ්පාදනාගාරයේ බලපත්‍රය අහෝසි කිරීමේ ක්‍රමවේදයක් නැතිබව වාර්තා වෙන අතර එනිසාම රා නිෂ්පාදන ආයතන රුපියල් ලක්ෂ 5ක දඩය ගෙවාදමමින් කෘතිම රා නිෂ්ාදනයට යොමුව ඇතැයි කරුණු වාර්තා වෙයි.
රසායනික ද්‍රව්‍ය යොදාගනිමින් කෘතිම රා නිෂ්පාදනය හා සැකසීම විශාල සෞඛ්‍ය සහ සමාජීය ප්‍රශ්නයක් ඇතිකර තිබුණත් සුරාබදු දෙපාර්තමේන්තුවේ සිටින සමහර දූෂිත නිළධාරීන් මෙම කෘතිම රා නිශ්පාදනය ජාවාරමක් කරගෙන තිබෙන නිසා මෙම රා නිෂ්පාදන ක්‍රියාවලිය අවහිර කිරීම අසීරු වී ඇත.
