කැබිනට් මණ්ඩලයට ඉදිරිපත් කර මේ වනවිට දේශපාලන පක්ෂවලට යොමුකර ඇති 21 වන ආණ්ඩුක්රම ව්යවස්ථා සංශෝධනය සම්බන්ධයෙන් සිය පක්ෂයේ සංශෝධන කිහිපයක් ඉදිරිපත් කිරීමට බලාපොරොත්තු වන බව ශ්රී ලංකා නිදහස් පක්ෂයේ මහ ලේකම් දයාසිරි ජයසේකර පැවසීය.
එම සංශෝධන යෝජනා ඉක්මණින් ඉදිරිපත් කරන බවද, 21 වන සංශෝධනයට සිය පක්ෂයේ සහාය ලබාදෙන බවද ඔහු පැවසීය.
මේ අතර එම පක්ෂයේ තවත් නිලධාරියකු පැවසුවේ ස්වාධීන කොමිෂන් සභා ලැයිස්තුවට ජාතික විගණන කොමිසම ඇතුළත් කිරීම සහ ද්විත්ව පුරවැසියන්ට පාර්ලිමේන්තු මන්ත්රීධුර පමණක් නොව රජයේ කිසිඳු තනතුරක් ලබාගත නොහැකි බවට හා ද්විත්ව පුරවැසියන්ගේ දැනට දරන තනතුරු අහෝසි වී යායුතු බවට යෝජනා කිරීමට නියමිත බවය.
පක්ෂයේ තීරණයට පටහැනිව ආණ්ඩුවේ ඇමති ධුර බාරගත් නිමල් සිරිපාල ද සිල්වා හා මහින්ද අමරවීර සම්බන්ධයෙන් විනය ක්රියාමාර්ග ගන්නේදැයි දයාසිරි ජයසේකර මහතාගෙන් වැඩිදුරටත් කළ විමසීමේදී පැවසුවේ ඒ පිළිබඳ මෙතෙක් තීරණයක් ගෙන නැති බවය.■
