■ ධනුෂි ලිහිණිකඩුව
කොළඹ නගරයේ ජීවත්වන ජනතාව විදුලි, ගෑස් සහ අත්යවශ්ය ආහාර හිඟ වීම හේතුවෙන් දරුණු අපහසුතාවයකට ලක් ව ඇති බව පසුගිය මැයි 19 වන දා පාර්ලිමේන්තුවේ දී අදහස් දක්වමින් මුජිබර් රහුමාන් මන්ත්රීවරයා ප්රකාශ කළේය.
අගනුවර ජීවත්වන ජනතාවට සති තුනක කාලයක් තිස්සේ ගෑස් සහ භූමිතෙල් සැපයීමක් සිදු වී නොමැති බවත්, ගෑස් අර්බුදය හේතුවෙන් ආපනශාලා ද වසා දමා ඇති බවත් මන්ත්රීවරයා පැවසී ය. දර හෝ සපයා ගැනීමට නොහැකි වීම නිසා ඔවුන් තවත් අපහසුතාවය පත් ව සිටින බවත්, එමෙන්ම මෙකී අර්බුද තත්ත්වය හමුවේ ඉදිරියේ දී ජනතාවගෙන් ප්රබල විරෝධතාවයන් එල්ල වීමට ඉඩ ඇති බවත්, එවැනි තත්වයක් එක් එක් අය විසින් උසිගැන්වීම්ක් ලෙස ප්රකාශ නොකරන ලෙසත් මන්ත්රීවරයා පැවසීය.
වැඩිදුරටත් අදහස් දක්වමින් ඔහු ප්රකාශ කළේ වහා ම කොළඹ නගරයේ ජීවත් වන ජනතාවට මූලික අවශ්යතා හෝ සපුරාලීමට රජය කටයුතු කළ යුතු බවයි.■
