20.6 C
Sri Lanka
6 October,2022

ඩොලර් මි.130 චීන ණය ගෙවන්න බැරිවෙයි

Must read

පවතින දැඩි විදේශ මුදල් හිඟය හේතුවෙන් මාර්තු මස 20 වන දින චීනයට ගෙවිය යුතු ඇමරිකානු ඩොලර් මිලියන 130 කට ආසන්න ණය මුදලක් ගෙවීමට නොහැකිව මුදල් අමාත්‍යාංශය දැඩි අර්බුදයකට ලක්වී ඇතැයි වාර්තා වන අතර එම ණය මුදල එම නිශ්චිත දිනයේ ගෙවීමට නොහැකි බව චීනයට දැනුම් දීම සඳහා සාකච්ඡා පවත්වමින් සිටින බවද වාර්තාවේ.


මෙම ණය මුදලින් ඩොලර් මිලියන 53ක මුදලක් චීන සංවර්ධන බැංකුවට ගෙවීමට ඇතැයි වාර්තා වන අතර තවත් ඩොලර් මිලියන 17ක ප්‍රමාණයක් ජල සම්පාදන ව්‍යාපෘතියක් සම්බන්ධයෙන් ගත් ණයක් වෙනුවෙන් ගෙවීමට ඇති බව වාර්තාවේ. ඉතිරි ඩොලර් මිලියන 60 කට ආසන්න ප්‍රමාණය චීන මුදල් ඒකකය වන යුආන් ණයක් වන අතර එහි ප්‍රමාණය යුආන් මිලියන 386 ක් හෙවත් වත්මන් විනිමය අනුපාතය අනුව ආසන්න වශයෙන් රුපියල් මිලියන 16,000ක ණයකි.


මාර්තු 20 දිනට ගෙවිය යුතු මෙම ණය මුදල සම්පූර්ණ වශයෙන් ගෙවීමේ හැකියාවක් මුදල් අමාත්‍යාංශයට තිබී නැතත් ඩොලර් මිලියන 70ක පමණ මුදලක් මාර්තු 16 දින තිබී ඇති අතර එම දිනයේ ගෑස් නැවක් නිදහස් කර ගැනීම වෙනුවෙන් එම මුදල්ද ගෙවීමට සිදුවීම හේතුවෙන් එම විදේශ මුදල් ප්‍රමාණයද මුදල් අමාත්‍යාංශයට අහිමි වී ඇත.


ශ්‍රී ලංකාවට ගෑස් ගොඩබෑම සඳහා පැමිණි නැව් කිහිපයක්ම මුදල් නොගෙවීම නිසා කොළඹ මුහුද අවට දින කිහිපයක් තිස්සේ නැංගුරම්ලා තිබෙන බව වාර්තා වූ අතර ඒ නිසා එම නැවිවලට විශාල ප්‍රමාද ගාස්තුවක් ගෙවීමට සිදුවී තිබෙන බවද වාර්තා විය. ගෑස් නොමැති නිසා සිය ගෑස් බෙදාහැරීම් නවතා දැමූ බව රජයේ ලිටිරෝ ගෑස් සමාගම මාර්තු 16 වැනිදා නිල වශයෙන් ප්‍රකාශ කළේය. නැවත මාර්තු 17 වැනිදා ලිට්රෝ සමාගම නිවේදනය කළේ ගෑස් නැවක් ගොඩබෑම හේතුවෙන් එදින සවස සිට යළි බෙදාහැරීම් සිදුකරන බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි