21.5 C
Sri Lanka
6 October,2022

බැසිල්ගේ බදු පනතට එරෙහිව වෘත්තීය සමිති නඩු මගට

Must read

■ අමන්දිකා කුරේ


විශේෂ භාණ්ඩ හා සේවා බදු පනත නමින් ජනවාරි 20 වන දින පාර්ලිමේන්තුවට ඉදිරිපත් කර ඇති පනත් කෙටුම්පතට විරෝධය පළ කරමින් නීතිමය ක්‍රියාමාර්ග ගැනීමට අදාළ කටයුතු මේ වන විට සකස් කරමින් සිටින බව අප කළ විමසීමකදී සුරාබදු වෘත්තීය සමිති එකමුතුවේ සම ලේකම් ජේ.ඒ.ඩී.එන්. ජයකොඩි පැවසුවේ ය.


මෙම පනත හරහා සුරාබදු දෙපාර්තමේන්තුවේ කාර්යභාරය සම්පූර්ණයෙන් ම මුදල් අමාත්‍යාංශය හරහා පත් කරන නිලධාරී ව්‍යුහයකට පවරා ඇති බවටත් මෙම පනත හරහා දේශීය ආදායම් දෙපාර්තමේන්තුව, ශ්‍රී ලංකා රේගුව, විදුලි සංදේශ නියාමන කොමිෂන් සභාව, මෝටර් රථ ලියාපදිංචි කිරීමේ දෙපාර්තමේන්තුව, අපනයන සංවර්ධන මණ්ඩලය හා ගුවන් තොටුපොළ සේවා අධිකාරිය යන ආයතනවල කාර්යභාරයන්ගේ කොටස් ද එලෙස පත් කරන නියෝජ්‍ය භාණ්ඩාගාර ලේකම්වරයෙකුගේ යටතේ සිදු කිරීමට උත්සාහ කරන බවටත් ඔවුහු චෝදනා කරති.


නියෝජ්‍ය භාණ්ඩාගාර ලේකම්වරයා යටතේ කුඩා ඒකකයක් සාදා ඔහු නමින් විවෘත කරන ගිණුමකට මේ සියලු බදු ආදායම් බැර කිරීමට මෙම පනත් කෙටුම්පතේ ප්‍රතිපාදන සකස් කර තිබේ.


දේශීය ආදායම් කොමසාරිස්වරුන්ගේ සංගමයේ සභාපති සරත් අබේරත්න පෙන්වා දෙන්නේ රාජ්‍ය ආදායම අඩුවීමට හා රජයේ ආදායම්වල විනිවිදභාවය සම්බන්ධ ගැටලු වුවත් මේ හරහා ඇති විය හැකි බවයි.


ඒ නිසාම දේශීය ආදායම් දෙපාර්තමේන්තුවේ සියලු වෘත්තීය සමිති ද ඒකාබද්ධව මේ පනත් කෙටුම්පතට එරෙහිව නීතිමය ක්‍රියාමාර්ග ගැනීමට බලාපොරොත්තු වන බව ඔහු පැවසුවේ ය.


මෙම පනත් කෙටුම්පත ජනවාරි 07 වන දින ගැසට් කර ඇති අතර සුරාබදු, දේශීය ආදායම් හා රේගු වෘත්තීය සමිති විසින් ජනවාරි 18 වන දින මුදල් අමාත්‍යාංශය ඉදිරිපිට ඒකබද්ධ විරෝධතාවක් ද දක්වන ලදි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි