19.5 C
Sri Lanka
27 September,2022

බැසිල්ට බෑ කී මෝදි
සම්බන්ධන්ට එන්න කියයි

Must read

■ අමන්දිකා කුරේ


ඉන්දියානු අගමැතිවරයා සමග සාකච්ඡාවකට දමිළ ජාතික සංධානයේ නායක ආර්. සම්බන්ධන්ට ආරාධනා කළ දිනය වෙනුවට වෙනත් දිනයක් ඔහු විසින් ඉල්ලා තිබේ. ඒ මුදල් අමාත්‍ය බැසිල් රාජපක්‍ෂ පසුගියදා කළ සිය ඉන්දීය සංචාරයේදී අගමැති මෝදි හමුවීමට ඉල්ලා සිටියත් ඒ සඳහා අවස්ථාවක් ලබා නොදුන් පසුබිමකදීය.


අප කළ විමසීමක දී එම පක්ෂයේ සාමාජිකයෙකු වන පාර්ලිමේන්තු මන්ත්‍රී ශානකියන් රාසමාණික්කම් පැවසුවේ ඉන්දියාව විසින් සාකච්ඡාවට දින දෙකක් ම ලබා දුන්න ද පක්ෂ නායකවරයාගේ පෞද්ගලික හේතුවක් මත එම දින දෙක වෙනුවට වෙනත් දිනයක් ඉල්ලූ බවයි.

මේ වන තෙක් ඉන්දියාවෙන් නැවත එම සාකච්ඡාවට දිනයක් ලබා දී නොමැති නමුත් එම හමුවේදී වැදගත් කරුණු රැසක් සම්බන්ධයෙන් සාකච්ඡා කෙරෙනු ඇති බවට තමා අපේක්ෂා කරන බව මන්ත්‍රීවරයා වැඩිදුරටත් පැවසුවේ ය.


මුදල් ඇමති බැසිල් රාජපක්ෂ පසුගිය දිනවල ඉන්දියානු සංචාරයකට සහභාගි වූ අතර ඔහු ශ්‍රී ලංකාවේ ආර්ථිකය පිළිබඳව ඉන්දීය මුදල් ඇමතිවරිය හා විදේශ ඇමති සමග සාකච්ඡා කළ ද සැලසුම්කර තිබූ ඉන්දියානු අගමැති නරේන්ද්‍ර මෝදි සමග සාකච්ඡාව පැවැත්වීමට නොහැකි වූයේ ඉන්දියානු අගමැතිවරයා කාර්යබහුල වී ඇතැයි පවසමින් එම සාකච්ඡාව අවලංගු කළ බැවිනි.


දමිළ ජාතික සන්ධානයේ නායකයාට ඉන්දියානු අගමැතිවරයා සමග සාකච්ඡාවකට ආරාධනා කර තිබෙන්නේ එම සිදුවීමෙන් පසුව ය.


ඉන්දියාව විසින් ශ්‍රී ලංකාවට ලබාදෙන ආධාර සමඟ දෙමළ ජාතිකයින්ගේ ගැටලු සඳහා විසඳුම් සම්බන්ධ කිරීම මෙම ආරාධනයේ අරමුණ වූ බව මේ අතර ඒ සම්බන්ධයෙන් සමහර මාධ්‍ය වාර්තා කර තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි