19.8 C
Sri Lanka
7 August,2022

ලිට්රෝ ගෑස් සමාගම නිරීක්ෂණයට ඉන්දීය පිරිසක් ඇවිත්

Must read

කෙරවළපිටියේ පිහිටි ලිට්රෝ ගෑස් සමාගමේ පරිශ්‍රය ඉන්දීය ජාතිකයින් ඇතුළු පිරිසක් විසින් නොවැම්බර් 22 වැනිදා නිරීක්ෂණයට ලක්කර තිබේ.


ලිට්රෝ සමාගම් කළමනාකාරිත්වයේ ඉහළ නිලධාරියකු එම නියෝජිත පිරිස සමඟ මෙම නිරීක්ෂණයට සහභාගි වී ඇති අතර එහිදී ලිට්රෝ ගෑස් පිරවීමේ පර්යන්ත ඇතුළුව එම පරිශ්‍රයට අයත් ඉඩමේ මායිම් පිළිබඳ පරික්ෂා කිරීම් සිදුකර ඇත.


මෙම නිරීක්ෂණය පිළිබඳ අදහස් දක්වමින් ලිට්රෝ සමාගමේ අපගේ ආරංචි මාර්ග ප්‍රකාශ කරන්නේ ගෑස් ආනයනය කිරීම සඳහා විදේශ මුදල් නොමැති වීමේ අර්බුදයකට ලක්වී සිටින මේ අවස්ථාවේ සමාගමේ අයිතියේ කොටසක් ඉන්දිය සමාගමකට ලබාදීම මගින් ගෑස් ගෙන්වීමේ අර්බුදය විසඳා ගැනීමට උත්සහ ගන්නා බවයි.


මේ සම්බන්ධයෙන් ලිට්රෝ සමාගමේ හිටපු ඉහළ නිලධාරියකුගෙන් කළ විමසීමකදී ඔහු පැවසුවේ ලිට්රෝ සමාගමේ සියයට සියයක පූර්ණ අයිතිය ශ්‍රී ලංකා රක්ෂණ සංස්ථාවට ඇති බැවින් එම සංස්ථාව ආයෝජනයක් වශයෙන් ලබාගෙන ඇති කොටස් අයිතිය විකිණීමේ කිසිදු බාධාවක් නොමැති බවයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි