No menu items!
27.4 C
Sri Lanka
29 March,2024

20ත් 30ත් අතර එන්නත්කරණය හම්බන්තොටින් ආරම්භ කිරීමේ විද්‍යාත්මක පදනම කුමක්ද
වෛද්‍ය රුක්ෂාන් බෙල්ලන බලධාරීන්ගෙන් ප්‍රශ්න කරයි

Must read

වයස අවුරුදු 20ත් 30ත් අතර පුද්ගලයින්ට කොවිඩ් ප්‍රතිශක්තිකරණ එන්නත් ලබාදීම හම්බන්තොට දිස්ත්‍රික්කයෙන් ආරම්භ කිරීමේ විද්‍යාත්මක පදනම කුමක්දැයි රජයේ වෛද්‍ය නිලධාරීන්ගේ සංසදයේ සභාපති වෛද්‍ය රුක්ෂාන් බෙල්ලන සෞඛ්‍ය බලධාරීන්ගෙන් ප්‍රශ්න කරයි.


ඔහු මෙම ප්‍රශ්න කිරීම කරනු ලැබුවේ වයස අවුරුදු 20ත් 30ත් අතර පුද්ගලයින්ට කොවිඩ් ප්‍රතිශක්තිකරණ එන්නත ලබාදීම හම්බන්තොට දිස්ත්‍රික්කයෙන් ආරම්භ කිරීම ගැන අනිද්දා කළ විමසීමකදීය.


හම්බන්තොට දිස්ත්‍රික්කය ජන ඝනත්වයෙන් මෙන්ම කොවිඩ් රෝග ව්‍යාප්තියෙන්ද අඩු දිස්ත්‍රික්කයක් බවද, එම වයස් සීමාවේ අයට කොවිඩ් ප්‍රතිශක්තිකරණ එන්නත්කරණය ආරම්භ කරනවානම් ආරම්භ කළ යුත්තේ මේ වනවිට වැඩිම කොවිඩ් ව්‍යාප්තියක් ඇති හා ජන ඝනත්වයද වැඩි කොළඹ දිස්ත්‍රික්කයෙන් බවද ඔහු පෙන්වා දෙයි.


කොවිඩ් එන්නත්කරණය දේශපාලනීකරණය වූ එකක් බව මේ මගින් තවදුරටත් ඔප්පු වන බවද ඔහු අවධාරණය කරයි.


වයස අවුරුදු 20ත් 30ත් අතර පුද්ගලයින්ට කොවිඩ් එන්නත ලබාදීම සැප්තැම්බර් 02 දින හම්බන්තොට දිස්ත්‍රික්කයෙන් ආරම්භ වූ අතර එම කටයුතු අමාත්‍ය නාමල් රාජපක්ෂ නිරීක්ෂණය කර තිබුණි. එසේ වුවද කොවිඩ් වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානි යුද හමුදාපති ජෙනරාල් ශවේන්ද්‍ර සිල්වා මාධ්‍යයට කියා තිබුණේ එම වයස් කාණ්ඩයේ පුද්ගලයින්ට සැප්තැම්බර් 02 සිට දිස්ත්‍රික්ක වශයෙන් එන්නත්කරණය ආරම්භ කරන බව පමණය. එම වයස් කාණ්ඩයේ එන්නත්කරණය වෙනත් දිස්ත්‍රික්කයක එම දිනයේ සිදුකර තිබුනේ නැත. තවද සෞඛ්‍ය අමාත්‍ය කෙහෙලිය රඹුක්වැල්ල මාධ්‍යයට කියා තිබුනේ වයස අවුරුදු 20ත් 30ත් අතර පුද්ගලයින්ට නොව වයස අවුරුදු 18ත් 30ත් අතර පුද්ගලයින්ට කොවිඩ් ප්‍රතිශක්තිකරණ එන්නත්කරණය ආරම්භ කරන බවයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි