No menu items!
26.1 C
Sri Lanka
28 March,2024

හෙද කාර්ය මණ්ඩලවල 1500කට පමණ කොවිඩ්

Must read

■ ප්‍රියාශා හෙට්ටිහේවා

මේ වන විට දිවයින පුරා හෙද කාර්ය මණ්ඩල සාමාජිකයින් 1500ක පමණූ පිරිසක් කොවිඩ් රෝගයට ගොදුරු වීම හේතුවෙන් රෝහල් පොකුරු නිර්මාණය වෙමින් පවතින බව රජයේ හෙද නිලධාරීන්ගේ සංගමයේ සභාපති සමන් රත්නප්‍රිය පවසයි.


ඒ අතරින් කොළඹ ජාතික රෝහලේ 300 දෙනෙකු පමණ, මහනුවර රෝහලේ 250 දෙනෙකුට ආසන්න පිරිසක්, කරාපිටිය ශික්ෂණ රෝහලේ 125 දෙනෙකු පමණ, රත්නපුර 100 දෙනෙකු පමණ, අනුරාධපුර 70 දෙනෙකු සහ කළුතර 55 දෙනෙකු පමණ කොරෝනා වෛරසය ආසාදනය වූවන් බව තහවුරු වී ඇතැයි ඔහු ප්‍රකාශ කළේය.
ඔහු පැවසුවේ, රෝහල් කාර්ය මණ්ඩලවලට ආරක්ෂක උපකරණ ආදිය නිසියාකාරව නොලැබෙන බැවින් කාර්ය මණ්ඩල සාමාජිකයන් රෝගයේ ගොදුරක් වීමෙන් ඔවුන්ගේ පවුල්වල පිරිස් ද මේ වන විට රෝගයට ගොදුරු වී ඇති බවත්ය.


හෙද කාර්ය මණ්ඩලවලට අමතරව අනෙකුත් සෞඛ්‍ය කාර්ය මණ්ඩලවල සාමාජිකයන් ද වෛරසයට ගොදුරු වෙමින් පවතින බව ඔහු පැවසීය.


මේ වන විට හෙදියන් සිව්දෙනෙකු, වෛද්‍යවරුන් දෙදෙනෙකු සහ සුළු සේවකයන් දෙදෙනෙකු කොවිඩ් රෝගයට ගොදුරු වී මියගොස් ඇති බව ද ඔහු ප්‍රකාශ කළේය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි