22.9 C
Sri Lanka
27 September,2022

ඇමති ලොක්ඩවුන් ඉල්ලලා ජනාධිපති බැහැ කියලා

Must read

සංචාරක සීමා පනවා කොවිඩ්-19 තත්වය පාලනය කළ යුතු බව ප්‍රාථමික සෞඛ්‍ය, වසංගත රෝග සහ කොවිඩ් පාලන රාජ්‍ය ඇමතිනි, වෛද්‍ය සුදර්ශනී ප්‍රනාන්දුපුල්ලේ කිහිප වතාවක් යෝජනා කර ඇතත් ජනාධිපති ගෝඨාභය රාජපක්ෂ සහ යුද හමුදාපති ශවේන්ද්‍ර සිල්වා එයට කැමැත්ත පළ කර නැතැයි වාර්තා වේ.
අප්‍රේල 23 සහ අප්‍රේල් 30 දිනවල කොවිඩ්-19 මර්දන කාර්යසාධක බලකාය රැස් වූ අවස්ථාවලදී ඇය එම ඉල්ලීම් කර ඇත. එම අවස්ථාවලදී සංචරණ සීමා පැනවීමෙන් ආර්ථික ප්‍රශ්න ඇති වන බව හා බහුතර ජනතාව දෛනික වැටුපෙන් ජීවත් වන බව කියමින් ජනාධිපතිවරයා සංචරණ සීමා පැනවීම ප්‍රතික්ෂේප කර ඇත. හමුදාපති ශවේන්ද්‍ර සිල්වා ජනාධිපතිවරයාගේ අදහසට සහයෝගය පළ කර තිබේ.
අප්‍රේල් 23 වැනිදා පැවති සාකච්ඡාවේදී අප්‍රේල් 19 වැනිදා සිට කොවිඩ්-19 රෝගීන්ගේ ශීඝ්‍ර වැඩිවීමක් දක්නට ලැබෙන බවත්, තරුණයන්ට පවා රෝග ලක්ෂණ පහළ වී තිබෙන බවත් පෙන්වා දෙමින් අප්‍රේල් 24-26 දීර්ඝ සති අන්ත නිවාඩුවට සංචරණ සීමා පනවන ලෙස ඇය ඉල්ලා තිබේ. ඖෂධ නිෂ්පාදන රාජ්‍ය අමාත්‍ය චන්න ජයසුමනද සංචරණ සීමා පැනවිය යුතු බව ප්‍රකාශ කර තිබේ. ඒ වන විට නව කොවිඩ්-19 ප්‍රභේදය රට තුළ තිබෙන බවද ඇමතිවරිය ප්‍රකාශ කර ඇත.
ඊට අමතරව අප්‍රේල් 30 වැනිදා සංචරණ සීමා පැනවීමේ ඉල්ලීම ප්‍රතික්ෂේප කළ පසු සම්පූර්ණ සීමා පැනවීමට නොහැකි නම් අත්‍යවශ්‍ය නොවන කටයුතු සීමා කරන ලෙස ඇය ඉල්ලා තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි