No menu items!
27.4 C
Sri Lanka
29 March,2024

විදුලි ටෙන්ඩරය ගැන චීනයෙන් අභියාචනයක්

Must read

කැලණිතිස්ස විදුලි බලාගාරයේ භාවිතයෙන් ඉවත් කිරීමට නියමිත විදුලි බලාගාරයක් වෙනුවෙන් අලුත් බලාගාරයක් ඉදිකිරීම සඳහා කැඳවනු ලැබූ ටෙන්ඩරයක් අවලංගු කිරීම ගැන එම ටෙන්ඩරය හිමිවූ චීන සමාගම අභියාචනයක් ඉදිරිපත් කර ඇත.
චයිනා නැෂනල් ටෙක්නිකල් ඉන්වෙස්ට්මන්ස් ඇන්ඩ් එක්ස්පෝටර්ස් කෝපරේෂන් සමාගම මෙම අභියාචනය විදුලි බල අමාත්‍යාංශයේ ලේකම් වසන්තා පෙරේරාට යොමු කර ඇත. එහි පිටපත් විදුලි බල අමාත්‍ය ඩලස් අලහප්පෙරුම, රාජ්‍ය අමාත්‍ය දුමින්ද දිසානායක ඇතුළු පිරිසකට යොමු කර තිබේ. මෙගාවොට් 105කින් යුත් විදුලි බලාගාරයක් සඳහා මෙම ටෙන්ඩරය 2019 වර්ෂයේදී කැඳවා ඇති අතර ඒ සඳහා ඉදිරිපත් කරන ලද මිල ගණන් ඇගැයීමට ලක්කිරීමෙන් පසු එම චීන සමාගම තාක්ෂණික ඇගැයීම් කමිටුව නිර්දේශ කර ඇති බව අභියාචනයේ සඳහන් වේ.
එහෙත් 2020 ඔක්තෝබර් මාසයේදී අමාත්‍ය ඩලස් අලහප්පෙරුම ඉදිරිපත් කළ කැබිනට් පත්‍රිකාවක් මඟින් එම ටෙන්ඩරය අහෝසි කර ඇති අතර ඒ සඳහා කැබිනට් මණ්ඩල ස්ථාවර ප්‍රසම්පාදන කමිටුවේ නිර්දේශ සලකා බලා ඇත. මෙම ටෙන්ඩරය අවලංගු කිරීමට හේතුව වශයෙන් එහිදී සඳහන් වී ඇත්තේ මුදල් නොමැති කමය.
එහෙත් විදුලි බල අමාත්‍යාංශ අපගේ ආරංචි මාර්ග ප්‍රකාශ කරන්නේ වැඩි මිල හදිසි විදුලිය මිලදී ගැනීම් සඳහා මුදල් ප්‍රශ්නයක් ලංවිමට නැති බවත්, කැලණිතිස්ස පැරණි බලාගාරයේ විදුලි ඒකකයක් සඳහා වර්තමානයේ වැයකරන මිලට වඩා නව බලාගාරයක් ස්ථාපිත වුවහොත් අඩුමිලකට විදුලිය නිපදවා ගතහැකි බවයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි