No menu items!
29.7 C
Sri Lanka
29 March,2024

ලංකාවයි ඇන්ගෝලාවයි ඉන්නේ එක ගොඬේ

Must read

මූඩීස් ජාත්‍යන්තර ශ්‍රේණිගත කිරීම් ආයතනය ශ්‍රී ලංකාව සිය ශ්‍රේණිගත කිරීම්වලින් සීඒඒ1 මට්ටමට පහත දැමීමෙන් පසු ශ්‍රී ලංකාව ලොව දුර්වල ආර්ථිකයක් සහිත රටවල් අතරට එක්ව තිබේ.

ශ්‍රී ලංකාවට අමතරව ඇන්ගෝලාව, බාබඩෝස්, බෙලිස්, ගැබන්, ඉරාකය, මාලි යන රටවල් සීඒඒ1 යන කාණ්ඩයෙහි සිටී. මෙම ශ්‍රේණිගත කිරීම් පහත දමමින් නිකුත් කළ නිවේදනයෙහි මූඩීස් ආයතනය එයට හේතු දක්වා ඇත. ශ්‍රී ලංකාවේ ණය ගෙවීමට ඇති අසීරු තත්වය, 2020 දී අයවැය පරතරය සීයට 8ත් 9ත් අතර පැවතිය හැකි බව, සංචිත අඩු වෙමින් පැවතීම, ණය වැඩි වී නිසා සංචිත වර්ධනය කරගැනීම අසීරු වීම ආදි කරුණු එම ආයතනය පෙන්වා දී ඇත. ඒ අනුව ශ්‍රී ලංකාවේ මුදලෙහි අගය පහළ වැටෙනු ඇති බව පෙන්වා දී ඇත. ද්විපාර්ශ්වීය සහන ලබාගත්තත් වෙළඳපොළ ස්ථාවරත්වය නොපැවතීමේ ඉඩක් ඇති බවත්, ජාත්‍යන්තර මූල්‍ය අරමුදලේ සහයෝගය නොමැතිකම නිසා නරක බලපෑම් එල්ලවිය හැකි බවත් එම ආයතනය පෙන්වා දී ඇත.

ඊට අමතරව ශ්‍රී ලංකාවේ ආණ්ඩුකරණයේ අඩුපාඩු, ප්‍රතිසංස්කරණ සිදු නොවීම හා ආයතන දුර්වල වීමද ශ්‍රේණිගත කිරීම්වලින් ශ්‍රී ලංකාව පහළ දැමීමට හේතු වී තිබේ.

ශ්‍රී ලංකාව මේ වනවිට ආර්ථික ශ්‍රේණිගත කිරීම්වල යෙදෙන අනෙක් ප්‍රධාන ආයතනවල ශ්‍රේණිගත කිරීම්වලින්ද පහළ මට්ටමක සිටී. ඒ අනුව එස්ඇන්ඞ්පී ජාත්‍යන්තර ආයතනයේ ශ්‍රේණිගත කිරීම්වල බී- මට්ටමේ සිටින අතර ෆිච් ආයතනයේ ශ්‍රේණිගත කිරීම්වලින්ද පසු ගිය කාලයේ බී- දක්වා පහත වැටී තිබුණි.

මේ පිළිබඳ කළ විමසීමකදී අදහස් දැක් වූ ආර්ථික විශේෂඥයෙකු කීවේ, යම් රටක ආයෝජනය කිරීමට ආයෝජකයන් යොමු වන්නේ මෙම ශ්‍රේණිගත කිරීම් අනුව වන බවත් ජාත්‍යන්තර මට්ටමේ ණය ලබාගැනීම්වලදී මෙම ශ්‍රේණිගත කිරීම්වලින් ශ්‍රී ලංකාව පහළ වැටෙන මට්ටම අනුව පොලී අනුපාතයක් ඉහළ යන බවත්ය. යම් රටක් ශ්‍රේණිගත කිරීම්වලින් දුර්වල නම් එවැනි රටක ආර්ථිකය කඩාවැටීමේ අවදානම වැඩි වන බවත්, ද්විපාර්ශ්වීය ණය ලබාදීමේදී එම ණය ගෙවීමට ඇති හැකියාව අඩුවනු ඇතැයි අනුමාන කරන බවත්ය.■

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි