No menu items!
21.8 C
Sri Lanka
28 March,2024

ප‍්‍රජාතන්ත‍්‍රවාදී පෙරමුණ කෑලි කඩා කම්මුතුකාරයාට පාවාඩ එළමුද?

Must read


අනුරාධපුරයේ පැවැති මංගල ප‍්‍රචාරක රැුලියේදී, ගෝඨාභය රාජපක්‍ෂ කීවේ අත්අඩංගුවේ/සිරගතව සිටින ‘රණවිරුවන් ’ තමා බලයට පැමිණ පසුදිනම නිදොස් කොට නිදහස් කරන බවය. ඒ කියන මොහොතේ ඔහුගේ මුහුණේ තිබුණේ, මෙතෙක් කාලයක් අපහසුවෙන් සිය මුහුණේ රඳවාගෙන සිටි ‘අහිංසක සිනාව’වත්, ‘නිවුණු මුහුණ’වත් නොවේ. ලසන්ත වික‍්‍රමතුංග ඝාතනය වූ පසු විදෙස් මාධ්‍යවේදියකු ඇසූ ප‍්‍රශ්නයකදී ‘හූූ ඉස් ලසන්ත? හී ඉස් අ ටේ‍්‍රටර්’ කියා කෝපයෙන් බැනවැදුණු, රාජ්‍ය බලයෙකන් හිස උදුම්මාගත් ගෝඨාභය රාජපක්‍ෂගේ මුහුණේ භයංකර ඉරියව්වමය. ගාමිණී වියන්ගොඩටත් චන්ද්‍රගුප්ත තේනුවරටත් රාජපක්‍ෂ පිලෙන් පසුගියදා එල්ලවුණු මරණ තර්ජන එහි දෙවැනි පෙරනිමිත්තකි. අනුරාධපුර රැුලියේදී දුමින්ද දිසානායකට ලැබුණු වෛරී සංග‍්‍රහය තවත්් එකකි.


මේ පෙරනිමිති සියල්ලෙන් පෙන්නුම් කරන්නේ ජනාධිපති ගෝඨාභය රාජපක්‍ෂගේ පාලනයක් කුමනාකාර විය හැකිද යන්නයි. ගෝඨාභය රටේ ඊළඟ ජනාධිපති වුවහොත්, සිදුවිය හැකි දේ පහත පරිදි කෙටියෙන් දැක්විය හැකිය.

මිලිටරි ආධිපත්‍යය සහිත රාජ්‍ය පාලනයක් ඇතිවීම 2. රාජපක්‍ෂ පවුල් පාලනය රට පුරා තහවුරු වීම 3. මිනිස් අයිතිවාසිකම් හා නිදහස තීරණාත්මක ලෙස සංකෝචනය වීම 4. වෘත්තීය අයිතිවාසිකම් මර්දනය කිරීම 5. නීතියේ පාලනය සම්පූර්ණයෙන් ගිලිහී ගෝඨාභයම විනිශ්චයකරු බවට පත්වීම 6. මාධ්‍ය මර්දනය හා විවේචකයන්ට එරෙහිව රාජ්‍ය මර්දනය යෙදවීම 7. රාජ්‍ය ව්‍යුහයේ ප‍්‍රජාතාන්ත‍්‍රික ප‍්‍රතිසංස්කරණ ක‍්‍රියාවලිය අතහැර දැමීම 8. 19වැනි ආණ්ඩුක‍්‍රම ව්‍යවස්ථා සංශෝධනය ඉවත්කොට 18 වැනි සංශෝධනයටත් එහා යන පරිදි රාජ්‍ය බලය විධායකය වෙත යළිත් කේන්ද්‍රගත කර ගැනීම 9. ව්‍යවස්ථාදායකය විධායකයේ ආධිපත්‍යයට යටත් රූකඩයක් බවට පත්කිරීම 10. අධිකරණය විධායකයට අවශ්‍ය තීන්දු දෙන ආයතනයක් බවට පත්කිරීම 11. ජනාධිපතිගේ හා ආණ්ඩුවේ බලය දිගින් දිගටම යොදවමින් මැතිවරණ ජයගැනීමේ ක‍්‍රියාවලියක් පවත්වාගෙන යෑම හරහා දේශපාලන නිදහස මර්දනය කිරීම 12. සුළුතර ජනවර්ග හා ඔවුන්ගේ අයිතිවාසිකම් නොතකා හැරීම 13. බහුතර ජාතිවාදී හා ආගම්වාදී චින්තනය ප‍්‍රවර්ධනය කිරීම 14. චීන ණය මත යැපෙන සංවර්ධන බුබුළක් නිර්මාණය කිරීම 15. රාජ්‍යයේ බලය ප‍්‍රසාරණය කරමින්, දේපළ දැරීමට ඇති අයිතිය ඇතුළු සියලූ මිනිස් අයිතිවාසිකම්වලට එරෙහිව එය යෙදවීම 16. සංවරණ හා තුලනයන්ගෙන් මුළුමනින්ම වියුක්ත විධායකයක් බිහිවීම 17. රාජ්‍ය සේවකයන්ගේ නිදහස් වැඩකිරීමේ මනස වෙනුවට මිලිටරි බලයකින් යුත් දේශපාලන යකඩ හස්තයකට යටත්කිරීම 18. ලංකාව ජාත්‍යන්තර වශයෙන් පවත්වාගත යුතු අවබෝධය හා වගවීම අතහැර ජාත්‍යන්තර වශයෙන් හුදෙකලා මානව හිමිකම් විරෝධී රාජ්‍යයක් බවට පත්කිරීම 19. නාගරික ජීවිතයෙහි ඇත්ත ප‍්‍රශ්න යට ලා මර්දනීය හා පුහු නගරාලංකරණයක් ඇතිකිරීම 20. දේශපාලන පක්‍ෂවලට සිය දේශපාලනය කරගෙන යා නොහැකි වන පරිදි නිරන්තර මර්දනයක් එල්ල කිරීම 21. අත්අඩංගුවේ සිටින, සිරදඬුවම් විඳින, අපරාධ විමර්ශනවලට ලක්වී සිටින ඊනියා රණවිරුවන්, දුමින්ද සිල්වා වැනි අපරාධකාරයන් නිදොස් කර නිදහස් කරනු ලැබීම හා ජනාධිපති සමාව ලැබීම. 22. පසුගිය ආණ්ඩුවේ ප‍්‍රමුඛයන්ව සිටිමින් මිනීමැරුම්, වංචා, අල්ලස් හා ¥ෂණවල යෙදුණු අයට එරෙහිව දැනට පවත්වාගෙන යන අපරාධ විමර්ශන කටයුතු අත්හිටුවීම, නඩු කටයුතු අත්හිටුවීම සහ සිරදඬුවම් විඳින්නන්ට ජනාධිපති සමාවක් ලැබීම.


මේ කාරණා සැලකූ කල පෙනෙන්නේ කුමක්ද? 2015 දේශපාලන මොහොතෙහි දිගුවක් මෙන්ම, ඊටත් වඩා භයානක දේශපාලන මොහොතක අප සිටින බව නොවේද?


එනිසා, මේ ජනාධිපතිවරණයේදී ඇත්තේ පිල් දෙකකි. එකක්, ප‍්‍රජාතන්ත‍්‍ර විරෝධී, ආඥාදායක, අයිතිවාසිකම් විරෝධී ෆැසිස්ට් පාලනයක් කරා ඉක්මනින් රූපාන්තරණය විය හැකි පිලයි. අනෙක, ප‍්‍රජාතන්ත‍්‍රවාදී, ආඥාදායකත්වයට එරෙහි, මානව ගරුත්වය අගයන පිලයි. ඒ දෙක අතරමැද කිසිවක් නැත. එනිසා වෙන් කර ගැනීම පහසුය. ගෝඨාභය රාජපක්‍ෂගේ පිල හා ඔහුට එරෙහි පිලයි. ගෝඨාභය රාජපක්‍ෂගේ පිල පරාජය කළ යුතු පිලය. ඔහුට එරෙහි පිල ජයගත යුතු පිලය. එහෙත්, ගෝඨාභය රාජපක්‍ෂගේ පිල එකක් ලෙස එකට එකතුවෙමින් පවතින අතර, ඔහුට එරෙහි පිල විවිධ හේතු මත එකිනෙකා අතර ඉරි ගසා ගනිමින් වෙන්වී සිටියි. එහි ප‍්‍රතිඵලය කුමක් විය හැකිද යන්න පැහැදිලි කරගැනීමට ඉහත කෙටියෙන් දක්වන ලද ගෝඨාභය රාජපක්‍ෂගේ අනාගත පාලනයක ස්වරූපය උදව්වනු ඇත.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි