- සජිත් එජා පාක්‍ෂිකයන් අතර ජනප‍්‍රියම චරිතය බවට විවාදයක් නැත’
- ඒ අගමැතිවරයා මංගල සමරවීරද? සිත්ගන්නාසුලූ අනෙක් ප‍්‍රශ්නය එයයි’
- ඒ ඉතිරි ලක්‍ෂ තිහ” සජිත් පේ‍්‍රමදාසගේ ‘දන් දීමේ’ දේශපාලනය ප‍්‍රියකරන්නෝ නොවෙති’
‘කවුරු ආවත් 19 නම් තියාගන්නේ නැහැ’යි ප‍්‍රකට දේශපාලන විචාරකයකුද වන” මේ වන විට ජනාධිපති මෛත‍්‍රීපාල සිරිසේන සමග එකට වැඩකරන මනුවර්ණගේ මිත‍්‍රයෙක් කීවේය’ ජනාධිපති සිරිසේන නැවතත් ජනාධිපතිවරණ අපේක්‍ෂකයා වී ජය ලබාගතහොත් ඔහු 19 සංශෝධනය අහෝසි කරනු ඇතැ’යිද” සිරිසේන මහතා ජනාධිපතිවරණයට පොහොට්ටු පාර්ශ්වයේද සහාය ඇතිව ඉදිරිපත් වනු ඇතැ’යිද මේ විචාරක මිත‍්‍රයාගේ අවබෝධයයි’
මෛත‍්‍රීපාල සිරිසේන යළිත් ජනාධිපති වුවහොත්” (එය කිසිසේත් වන්නට බැරිය’* 19 අහෝසි කරනවාය යන්න තේරුම්ගත හැක්කකි’ (එයද කළ ‘නොහැක්කක්’ මිස කළ ‘හැක්කක්’ නොවේ’* මේ දිනවල 19ට එරෙහිව ඔහු කරන ප‍්‍රහාරාත්මක කතාවලින් ඒ බව පැහැදිලි වෙයි’ එහෙත්” කවුරු ආවත් 19 තියාගන්නේ නැති බවට” අඩු ගණනේ 19 නැතිකර දැමීමට ඒ හැම කෙනකුම තැත් කරනු ඇති බවට සිතන්නට සාධාරණ ඉඩක් තිබෙන්නේ”
ජනාධිපතිවරණ අපේක්‍ෂකත්වය සඳහා ඇතැමුන් කරන මහා සටන දැකීමෙනි’
19 වැනි ආණ්ඩුක‍්‍රම ව්‍යවස්ථා සංශෝධනය යටතේ ඊළඟට පත්වන ජනාධිපතිවරයාට වර්තමාන ජනාධිපතිවරයා තරම්වත් බලතල නැති බව අලූත් කතාවක් නොවේ’ වත්මන් ජනාධිපතිවරයා දැනට දරන ඇමති ධුර” එනම් ආරක්ෂක” මහවැලි සහ පරිසර අමාත්‍යාංශ තමාගේ භාරයේ තබා ගැනීමට” අඩු ගණනේ ආරක්ෂක අමාත්‍යාංශයවත් තබාගැනීමට” 19 යටතේ ඊළඟ ජනාධිපතිවරයකුට ලැබෙන්නේ නැත’ දැනට සිරිසේන මහතා එම ඇමතිධුර දරන්නේ සංක‍්‍රාන්තික විධිවිධානයක් හැටියටය’
ඊළඟ ජනාධිපතිවරයා සමාන වනු ඇත්තේ විලියම් ගොපල්ලව වැනි නාමික ජනාධිපතිවරයකුටය’ ඔහු රාජ්‍ය නායකත්වය හොබවනු ඇති අතර” විධායකයේ (ආණ්ඩුවේ* නායකත්වයද හොබවනු ඇත’ සන්නද්ධ හමුදාවන්හි ප‍්‍රධාන අණදෙන නිලධාරියාද වනු ඇත’ එහෙත්” ඔහුගේ ක‍්‍රියාකාරිත්වය සෑහෙන දුරට අගමැති ප‍්‍රමුඛ පාර්ලිමේන්තුවේ පාලනයට යටත්වනු ඇත’
ආචාර්ය නිහාල් ජයවික‍්‍රම පසුගියදා ලියූ ලිපියකින්” 19 වැනි සංශෝධනය යටතේ පත්වන ඉදිරි ජනාධිපතිවරයකුගේ අඩු බලය ගැන මේ කරුණු කියා තිබුණේය’
1’ ජනාධිපතිවරයා සතුව තිබූ නෛතික මුක්තිය ඉවත්වීම
2’ ඉහළ අධිකරණවල විනිසුරුවරුන්” නීතිපතිවරයා සහ වෙනත් ජ්‍යෙෂ්ඨ නිලධාරීන් පත්කිරීමට ජනාධිපතිවරයාට තිබූ තනි බලය” ආණ්ඩුක‍්‍රම ව්‍යවස්ථා සභාවේ නිර්දේශයන්ට යටත්ව පමණක් අභ්‍යාස කළ හැකි බලයක් බවට පත්වීම
3’ ස්වාධීන කොමිෂන් සභා පත්කිරීමට ජනාධිපතිවරයාට තිබූ තනි බලය” ව්‍යවස්ථා සභාවේ නිර්දේශ යටතේ පමණක් අභ්‍යාස කළ හැකි බලයක් බවට පත්වීම
4’ ඕනෑම අවස්ථාවක පාර්ලිමේන්තුව විසුරුවා හැරීමට ජනාධිපතිවරයාට තිබූ බලය” පාර්ලිමේන්තුවේ මුළු වාර කාලයේ අවසාන මාස හයේදී මිස වෙනත් අවස්ථාවක නම්” පාර්ලිමේන්තුවේ ඉල්ලීම මත පමණක් කළ හැකි කාර්යයක් බවට පත්වීම
5’ ඇමතිවරුන් සහ නියෝජ්‍ය ඇමතිවරුන් පත්කිරීමට ජනාධිපතිවරයාට තිබූ තනි බලය” අගමැතිවරයාගේ උපදෙස් මත පමණක් අභ්‍යාස කළ හැකි බලයක් බවට පත්වීම
6’ ඇමතිවරුන් සහ නියෝජ්‍ය ඇමතිවරුන් ඉවත් කිරීමට ජනාධිපතිවරයාට තිබූ තනි බලය” අගමැතිවරයාගේ උපදෙස් මත පමණක් අභ්‍යාස කළ හැකි බලයක් බවට පත්වීම
7’ අගමැතිවරයා ඉවත් කිරීමට ජනාධිපතිවරයාට තිබූ බලය ඉවත් වීම
ආචාර්ය ජයවික‍්‍රම යෝජනා කරන්නේ මෙවැනි නාමික” නිර්දේශපාලනික ජනාධිපතිවරයකු තෝරා ගැනීම සඳහා රට පුරා ජනාධිපතිවරණයක් පවත්වනවා වෙනුවට” පාර්ලිමේන්තුව හරහා හෝ ප‍්‍රජාතන්ත‍්‍රීයව ව්‍යවස්ථාපිත වෙනත් ‘මැතිවරණ කොලීජියක්’ හරහා හෝ එය කළ යුතු බවයි’
එහෙත්” ඊළඟ ජනාධිපතිවරණ අපේක්‍ෂකයන්ගේ අභිලාෂය කුමක්ද?
ගෝඨාභය රාජපක්‍ෂ ලෙඩ ඇඳේ සිටිමින්ම ජනාධිපතිවරණ අපේක්‍ෂකයා තමායැ’යි නැවතත් අවධාරණය කරයි’ හරියට” කට වහගෙන හිටියොත්” වෙන කවුරුහරි පැනගෙන ඇවිත් අපේක්‍ෂක පුටුවේ වාඩිවේයැයි බිය වී ඇතිවාක් මෙනි’ ඔහු ජනාධිපති වුවහොත්” 19ට යන කල ගැන අලූතෙන් කියන්නට දෙයක් නැත’
ඒ අතර” මීළඟ ජනාධිපතිවරණය වෙනුවෙන් එක්සත් ජාතික පක්‍ෂයෙන් ඉදිරිපත් කෙරෙන අපේක්‍ෂකයා සජිත් පේ‍්‍රමදාස මහතා බව දැන් බොහෝ දෙනකු කියන්නට පටන්ගෙන තිබේ’ අමාත්‍ය මංගල සමරවීර පසුගියදා නිකුත් කළ වීඩියෝ කතාවකින්” දිනන්නට හැකි එකම අපේක්‍ෂකයා සජිත් පේ‍්‍රමදාස බව කීවේය’
මේ කතාව සජිත් පේ‍්‍රමදාස එජාප අපේක්‍ෂකයා කිරීමේ සැලසුම්සහගත වැඩපිළිවෙළක මුල් පියවර බව බැලූ බැල්මටම පෙනේ’ ජූලි 7 වැනිදා පැවැත්වෙන්නට නියමිත මංගල සමරවීර ඇමතිවරයාගේ පොතක් එළිදැක්වීමේ උත්සවයේ එක් වැදගත් සහභාගිකයකු වන්නේ ‘එජාප ජනාධිපති අපේක්‍ෂක සජිත් පේ‍්‍රමදාස’ බව එහි ප‍්‍රචාරක සටහන්වල සඳහන්ය’ ඒ අතර” මෙතෙක් කල් අගමැති රනිල් වික‍්‍රමසිංහගේ අගසව් කෙනකු හැටියට සිටි මලික් සමරවික‍්‍රම ඇමතිවරයාගේ පටන්” මැති ඇමතිවරුන් බොහෝ දෙනකු සජිත් ජනාධිපති අපේක්‍ෂකයා විය යුතුය යන තද ස්ථාවරයේ සිටිති’
නිහාල් ජයවික‍්‍රම මහතා කියන දේ වෙත ආපසු ගියහොත්” සජිත් පේ‍්‍රමදාස මහතා මේ තරම් සටන්කාමී ලෙස ඉදිරිපත් වන්නේ” 19 යටතේ නාමික ජනාධිපති ධුරයකට සමාන ධුරයක් බාරගැනීමටද? නැතිනම්” ඊට වෙනස් න්‍යාය පත‍්‍රයක් ඔහුට තිබේද? සැක දුරුකරනු වස්” එක්කෝ සජිත් පේ‍්‍රමදාස මහතා හෝ ඔහුගේ පළමු කසකාරයා බවට පත්ව සිටින ඇමති මංගල සමරවීර හෝ ඒ ගැන පැහැදිලි කළ යුතුය’ ඒ කියන්නේ” සජිත් පේ‍්‍රමදාස 19 සම්බන්ධයෙන් කරන්නට හදන්නේ කුමක්ද? යන්නයි’
ව්‍යවස්ථාවේ දැනට තිබෙන තත්ත්වය යටතේම සජිත් පේ‍්‍රමදාස ජනාධිපතිවරයා වන්නේ නම්” වඩා බලවත් වන්නේ ඔහු නොව ඊළඟ අගමැතිවරයාය’ ඒ අගමැතිවරයා මංගල සමරවීරද? සිත්ගන්නාසුලූ අනෙක් ප‍්‍රශ්නය එයයි’
නිරපේක්‍ෂව ගතහොත්” රටේ ජනාධිපතිධුරයට පත්වනන්ට තරම් දේශපාලන වශයෙන්” බුද්ධිමය වශයෙන් හෝ කැරිස්මැටික වශයෙන් සජිත් පේ‍්‍රමදාස සුදුස්සෙක් නොවේ’ ජාතික දේශපාලනය ගැන ඔහුගේ සහභාගිත්වයත්” දැක්මත් ඉතාමත් දුප්පත්ය’ එජාප ආණ්ඩු පක්‍ෂ කණ්ඩායම් රැුස්වීමකදී පවා පසෙකට වී ජංගම ¥රකථනය දෙස බලාසිටිනවා විනා කිසිම දෙයක් ගැන කිසිම අදහසක් ඔහු ප‍්‍රකාශ කළ බවක් ආණ්ඩු පක්‍ෂ මන්ත‍්‍රීවරුන්ට මතක නැත’ රටේ වැදගත් කාරණා සම්බන්ධයෙන් කිසිම පුවත්පතක” විත් නාලිකාවක සජිත් පේ‍්‍රමදාසගේ සම්මුඛ සාකච්ඡුාවක් පළවනවා කිසිවකු දැක නැත’ ඒ වෙනුවට” ඔහු කළ ප‍්‍රතිගාමී කතා දෙකක් නම් මෑතදී අසන්නට ලැබිණ’ එකක් නම්” ජාතික ආරක්‍ෂාවට සාපේක්‍ෂව” මානව අයිතිවාසිකම් නොසලකා හැරිය යුතු යන්නයි’ දෙවැන්න” ත‍්‍රස්තවාදය වැළැක්වීමේ පනත තවත් ශක්තිමත් කර ප‍්‍රතිත‍්‍රස්ත පනත විසිකර දැමිය යුතු බවයි’ මේ කාරණා දෙකෙන් පවා” සජිත් පේ‍්‍රමදාස කෙබඳු මනසකින් යුක්තදැ’යි පැහැදිලිව පෙනෙයි’ සංයුක්තව කිවහොත්” මංගල සමරවීර වැනි ලිබරල්වාදියකු හා සසඳන විට සජිත් පේ‍්‍රමදාස ඉන්නේ ඊට සම්පූර්ණයෙන් ප‍්‍රතිපක්‍ෂ වැඩවසම් චින්තනයක් සහිතවය’ ලංකාව සිංහල බෞද්ධ රටක් නොවේයැයි මංගල සමරවීර කියන විට” සජිත් පේ‍්‍රමදාස සිටින්නේ චෛත්‍ය එක්දහස් ගණනක් රට පුරා පන්සල්වල පිහිටුවා රට නගාලිය හැකියැයි සිතන මානසික මට්ටමකය’
එසේ නම්” මංගල සමරවීර සජිත් වෙනුවෙන් පෙනී සිටින්නේ ඇයි? ඔහු කියන්නේ” ‘දිනන්නට හැකි එකම අපේක්‍ෂකයා සජිත් බව’යි’ ඊට හේතු ලෙස ඔහු ඇතුළු සජිත්ගේ අනුගාමිකයන් පෙන්වන්නේ” පසු ගිය කාලයේ එජාපය තුළ කළ මත විමසීම්වලට අනුව ඉදිරියෙන්ම සිටින්නේ සජිත් පේ‍්‍රමදාස බවයි’ ගම් මට්ටමේ යූඑන්පීකාරයන් සජිත් ඉල්ලන බවයි’
සජිත් එජා පාක්‍ෂිකයන් අතර ජනප‍්‍රියම චරිතය බවට විවාදයක් නැත’ එජාපයම කියන පරිදි” පක්‍ෂයේ ලක්‍ෂ 30ක් පමණ වන නිශ්චිත ඡුන්ද සංඛ්‍යාව ඒ අනුව සජිත්ට ලැබෙනු ඇත’ රනිල් වික‍්‍රමසිංහ නිසා ඈත්වී සිටින එජාප බිම් මට්ටමේ පාක්‍ෂිකයන් සජිත් නිසා නව ප‍්‍රබෝධයක් ලබනු ඇත’ එහෙත්” ඡුන්ද ලක්‍ෂ 30කින් ජනාධිපතිවරණයක් ජයගත හැකි නොවේ’ මෛත‍්‍රීපාල සිරිසේනට ඒ සඳහා ලක්‍ෂ 62ක් වුවමනා විය’ මේ ඉතිරි ලක්‍ෂ තිහ ලබාගැනීමට සජිත්ට හැකිවේද?
ඒ ඉතිරි ලක්‍ෂ තිහ” සජිත් පේ‍්‍රමදාසගේ ‘දන් දීමේ’ දේශපාලනය ප‍්‍රියකරන්නෝ නොවෙති’ ඔවුන්ට ප‍්‍රිය වන්නේ” ලංකාවේ මානව නිදහස ගරුකරන” මර්දනකාරී නීති හා හිතුවක්කාරි පාලනයක් නැති සමාජයක් බවට පත්කිරීමය’ පුද්ගලයකු මත කේන්ද්‍රගත නොවන” වඩා ප‍්‍රජාතන්ත‍්‍රවාදී සමාජයක් ඇතිකර ගැනීමය’ 19 වැනි සංශෝධනය වෙනුවට” අලූත් ආණ්ඩුක‍්‍රම ව්‍යවස්ථාවක් නිර්මාණය කර” පාර්ලිමේන්තුවට සම්පූර්ණයෙන්ම බලය ලැබෙන රාජ්‍ය ව්‍යුහයක් ඇතිකර ගැනීමය’ පළාත් මට්ටමෙන් බෙදා ඇති පාලන බලතල” වඩාත් අර්ථවත් ආකාරයට ශක්තිමත් කිරීමය’ ආගමේ ඇලීගැලී නොසිටින රාජ්‍ය පාලනයක් ඇතිකර ගැනීමය’
සජිත් පේ‍්‍රමදාස හා ඔහුගේ උනන්දුමත් අනු ගාමිකයන් ඒ ගැන කියන්නේ මොනවාද?x
