No menu items!
26.1 C
Sri Lanka
28 March,2024

බ්ර්ගේඩියර් ප්‍රියංකර මහජන සාමය පනත කඩලා

Must read



බි්‍රගේඩියර් ප්‍රියංකර ප්‍රනාන්දුට මහා බි්‍රතාන්‍යයේ වෙස්ට්මිනිස්ටර් මහේස්ත්‍රාත් අධිකරණය විසින් අත්අඩංගුවට ගැනීමේ වරෙන්තුවක් නිකුත් කර ඇත්තේ බි්‍රතාන්‍ය මහජන සාමය පනත උල්ලංඝනය කිරීමේ වරදට බව වාර්තා වේ.
2018 වසරේ පෙබරවාරි 04 වන දින බි්‍රතානයේ වෙසෙන දෙමළ ජාතිකයන් පිරිසක් විසින් ලන්ඩනයේ ඇති ශ්‍රී ලංකා මහා කොමසාරිස් කාර්යාලය ඉදිරිපිට දී සංවිධානය කරන ලද සාමකාමී විරෝධතාවක් ඉදිරිපිටට පැමිණ තර්ජනාත්මක ලෙස හැසිරීම මෙම චෝදනාවට හේතු වී ඇත.
එහිදී ඔහු විසින් තමන්ගේ හමුදා නිල ඇඳුමේ ඇති සිංහ ලාංඡනය පෙන්වා, තම ගෙල හරහා දබර ඇඟිල්ල යවමින් උද්ඝෝෂකයන්ගේ බෙල්ල කපන බවට තර්ජනය කර ඇත.
ජනවාරි 21 වන දින අදාල වරෙන්තුව නිකුත් කර ඇති අතර බි්‍රගේඩියර් ප්‍රියංකර ප්‍රනාන්දු අදාල කාලය තුළ එරට ශ්‍රී ලංකා මහා කොමසාරිස් කාර්යාලයේ ආරක්ෂක උපදේශකවරයා ලෙස කටයුතු කළේය.
බි්‍රතාන්‍යයේ මහජන සම්බන්ධතා නීති මධ්‍යස්ථානය මඟින් නිවේදනයක් නිකුත් කරමින් පවසා ඇත්තේ බි්‍රගේඩියර් ප්‍රියංකර ප්‍රනාන්දු විසින් බි්‍රතාන්‍යයේ මහජන සාමය පනතෙහි වගන්ති දෙකක් උල්ලංඝනය කර ඇති බවය.
මේ පිළිබඳව විමසුමකදී හමුදා මාධ්‍ය ප්‍රකාශක බි්‍රගේඩියර් සුමිත් අතපත්තු ප්‍රකාශ කළේ ඉදිරියේදී ආරක්ෂක අමාත්‍යාංශය හා විදේශ කටයුතු අමාත්‍යාංශය එක්ව බි්‍රතාන්‍යය සමග සාකච්ඡා කිරීමට සූදානමක් ඇති බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි