23.4 C
Sri Lanka
14 August,2022

චන්ද්‍රිකාගේ සංවිධායකයන් ඉවතට

Must read



හිටපු ජනාධිපතිනි චන්ද්‍රිකා කුමාරතුංගට හිතවත් ශ්‍රීලනිප ආසන හා දිස්ත්‍රික් සංවිධායකවරුන් ඉවත් කොට නව ආසන සංවිධායකවරුන් පත්කිරීම සඳහා වැඩපිළිවෙළක් ආරම්භ කිරීමට ජනාධිපති මෛත්‍රීපාල සිරිසේන තීරණය කර ඇතැයි අනිද්දා සමග අදහස් දැක්වූ ශ්‍රීලනිප ප්‍රබලයෙක් පැවසීය.
එම ආසන සංවිධායකවරුන් ඉවත් කිරීමට ජනාධිපතිවරයා දැනටමත් තීන්දුවක් ගෙන ඇති බවත්, එය දෙසැම්බර් 23 වැනිදා පැවති ශ්‍රීලනිප ආසන සංවිධායකවරුන්ගේ රැස්වීමේදී ඔහු ප්‍රකාශ කර ඇති බවත් ඔහු කීය. කෙසේ වෙතත් ජනවාරි 03 වැනිදා රාත්‍රියේ පැවැත්වීමට නියමිත ශ්‍රීලනිප මධ්‍යම කාරක සභා රැස්වීමේදී ඉවත් කරන සංවිධායකවරුන් ගැන ඉදිරි තීන්දුවක් ගනු ඇතැයි ඔහු කීය.
ඒ හේතුවෙන් ශ්‍රීලනිප සංවිධායකවරුන් රැ සක් පක්ෂයෙන් ඉවත්වීමේ ඉඩක් නිර්මාණය වී ඇතැයිද ඔහු කීය. පසුගිය වසර තුනක කාලය තුළ ශ්‍රී ලංකා පොදුජන පෙරමුණට හිතවත් ශ්‍රීලනිප ආසන සංවිධායකවරුන් ඉවත් කරමින් නව ආසන සංවිධායකවරුන් රැසක් දුමින්ද දිසානායක මහතාගේ මැදිහත්වීමෙන් පත්කර තිබුණි. ඒ අතරින් බහුතරය හිටපු ජනාධිපතිනි චන්ද්‍රිකා බණ්ඩාරනායකට හිතවත්කමක් හා ගරුත්වයක් දැක්වූ සංවිධායකවරුන් වූ බව එම මන්ත්‍රීවරයා වැඩිදුරටත් පැවසීය.
ශ්‍රීලනිප කඩුවෙල සම ආසන සංවිධායක ජී.එච්. බුද්ධදාස ඇතුළු පිරිසක් ජනවාරි 03 වැනිදා මාධ්‍ය සාකච්ඡාවක් පවත්වමින් ජනාධිපති මෛත්‍රීපාල සිරිසේනට එරෙහිව අදහස් දක්වා ඇත්තේ ජනාධිපතිවරයාගේ එම තීන්දුව නිසා බව අනිද්දා සමඟ අදහස් දැක්වූ මන්ත්‍රීවරයා කීය. එලෙස තමන්ගේ සංවිධායක තනතුරු අහිමි වූ අය අතරින් කණ්ඩායමක් එජාපය සමඟ එක්වීමේ ඉඩක් ඇති බවත්, එම කණ්ඩායම දැනටමත් එජාපය සමග හිතවත් යැ’යි ජනාධිපති සිරිසේන විශ්වාස කරන බවත් අනිද්දා සමග අදහස් දැක්වූ මන්ත්‍රීවරයා වැඩිදුරටත් කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි