No menu items!
26.2 C
Sri Lanka
28 March,2024

ගෝඨා පිළෙන් විරෝධය

Must read

මෛත‍්‍රීපාල සිරිසේනට ඉදිරි ජනාධිපතිවරණයේදී අපේක්ෂකත්වය ලබාදීමේ රහස් එකඟතාවක් මත ඇති කරගත් නීතිවිරෝධී ආණ්ඩුව පිළිබඳව ඒකාබද්ධ පොදුජන පෙරමුණේ ජනාධිපති අපේක්ෂකයා ලෙස ගෝඨාභය රාජපක්ෂ ඉදිරිපත් කළ යුතුයැයි අදහස් පළකළ කණ්ඩායම දැඩි විරෝධයකින් පසුවන බව අනිද්දා සමඟ අදහස් දැක්වූ ඒකාබද්ධ විපක්ෂයේ නායකයෙක් පැවසීය.

ගෝඨාභය රාජපක්ෂට හිතවත් වෙනත් ඒකාබද්ධ විපක්ෂයේ නායකයෙකු ප‍්‍රකාශ කළේ දැන් නිහඬව සිටියද ගෝඨාභය රාජපක්ෂ ජනාධිපති අපේක්ෂකයා බවට පත්කිරීමේ සටන තවම අත්හැර නොමැති බවයි. මේ දිනවල ඒ පිළිබඳව සාකච්ඡුා නොකර නිහඬව සිටියත් ඉදිරියේදී ඒ පිළිබඳව කතාකරන බවත්, මෛත‍්‍රීපාල සිරිසේන තමාගේ ජනාධිපති අපේක්ෂකයා බවට පත් කරගැනීමට බලාපොරොත්තු නොවෙන බවත් ඔහු කීය.

ප‍්‍රථමයෙන් අදහස් දැක්වූ ඒකාබද්ධ විපක්ෂයේ පක්ෂ නායකයා වැඩිදුරටත් පෙන්වා දුන්නේ ගෝ්‍ඨාභය රාජපක්ෂට හිතවත් නොවන කණ්ඩායම් විසින්ද ජනාධිපති මෛත‍්‍රීපාල සිරිසේනට ඉදිරි ජනාධිපතිවරණයේදී සහයෝගය දැක්වීමට හා ශ‍්‍රී ලංකා පොදුජන පෙරමුණ අත්හැර ශ‍්‍රීලනිපය සමඟ යළි කටයුතු කිරීමට ඒකාබද්ධ පොදුජන පෙරමුණේ කණ්ඩායමක් අකැමැත්ත දැක්වීම නිසා මේ වනවිට ක‍්‍රියාත්මක වන නීති විරෝධී ආණ්ඩුව සම්බන්ධයෙන් ඒකාබද්ධ පොදුජන පෙරමුණේ දැවැන්ත මත ගැටුමක් නිර්මාණය වී ඇති බවයි.

කෙසේ වෙතත් එම විරෝධය පිළිබඳව ඒකාබද්ධ විපක්ෂයේ පක්ෂ නායකයන් අතර ඍජුව සාකච්ඡුාවට ලක් කර නොමැති බවත්, නීති විරෝධී ආණ්ඩුවේ අමාත්‍යධුර ප‍්‍රතික්ෂේප කිරීම, නීති විරෝධී ආණ්ඩුව සම්බන්ධයෙන් උනන්දුවකින් තොරව කටයුතු කිරීම, රැස්වීම් සහ සාකච්ඡුාවලට සහභාගි නොවීම ආදි ක‍්‍රියාවලින්ද, වක‍්‍රාකාර අදහස් පළකිරීම්වලින්ද නව ආණ්ඩුව පිළිබඳව විරෝධතා ඇති අය විසින් තමන්ගේ විරෝධය පෙන්වා ඇති බව එම නායකයා කීය. පාර්ලිමේන්තු මන්ත‍්‍රී කුමාර වෙල්ගම පමණක් තමන්ගේ විරෝධය ප‍්‍රසිද්ධියේ පෙන්වා ඇතැයිද ඔහු කීය. කෙසේ වෙතත් මෙම කාරණා පිළිබඳව ඉදිරියේදී පක්ෂ අභ්‍යන්තරයේ සාකච්ඡුා කිරීමට බලාපොරොත්තු වෙන බව ඔහු පෙන්වාදුන්නේය.

එක්සත් ජනතා නිදහස් සන්ධානය නියෝජනය කළ පක්ෂ කිහිපයක් සහ ශ‍්‍රී ලංකා නිදහස් පක්ෂයේ රාජපක්ෂ හිතවාදී කණ්ඩායම විසින් ශ‍්‍රීලනිපය සහ එජනිසයට විකල්පයක් ලෙස නිර්මාණය කළ ඒකාබද්ධ පොදුජන පෙරමුණ විසින්, ඉදිරි ජනාධිපතිවරණයට පොදු අපේක්ෂකයෙකු ඉදිරිපත් කළ යුතු බවට එම පෙරමුණේ පක්ෂ නායකයන් අතර එකඟතාවක් ඇති කර ගෙන තිබුණි. ඒ අනුව ගෝඨාභය රාජපක්ෂ හා බැසිල් රාජපක්ෂ ප‍්‍රමුඛ ජනාධිපතිවරණ අපේක්ෂකයන් කිහිපදෙනෙකු පිළිබඳව සාකච්ඡා ඇතිවී තිබුණි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි