No menu items!
29.7 C
Sri Lanka
29 March,2024

ආණ්ඩු කරන හැටි දයාන් මහින්දට කියයි

Must read

 

 

මෛත්‍රිපාල සිරිසේන ජනාධිපතිවරයා විසින් ව්‍යවස්ථාවට පටහැනිව මහින්ද රාජපක්ෂ අගමැති ධුරයට පත්කිරීමෙන් අනතුරුව කරුණු 7කින් සමන්විත උපදෙස් මාලාවක් රුසියාවේ ශ්‍රී ලංකා තානාපති ආචාර්ය දයාන් ජයතිලක වාසුදේව නානායක්කාර මාර්ගයෙන් මහින්ද රාජපක්ෂ වෙත එවා ඇත.

මුලාරම්භය වැනෙන්නට ඉඩ නොතැබිය යුතුය ,  ප්‍රහාරක ජවය වහා ග්‍රහණය කරගත යුතු අතර නව ආණ්ඩුව විසින් එය පවත්වා ගත යුතුය යනුවෙන් . ආරම්භ කරන එම උපදෙස් මාලාව තුළ, ප්‍රතිගාමි බලවේග වලට තහවුරු වීමට ඉ‍ඩ නොතැබිය යුතු බවත් සමාන්තර බල මධ්‍යස්ථානයක් හෝ නියෝග දීමේ මධ්‍යස්ථානයක් ලෙස අරලියගහ මන්දිරය පවත්ගෙන යාමට ඉඩ නොදිය යුතු බවත් සදහන් කරයි.

ඇමරිකා එක්සත් ජනපදය විසින් නිකුත් කළ ප්‍රකාශය අපේ ස්වෛරීභාවයට කරන ලද නොහික්මුණු අත පෙවිමකි. එයට පිලිතුරු දිය යුතුය යනුවෙන් ලියන දයාන් අන්තර්ජාතිකව ප්‍රතිවිප්ලය සංවිධානය ‍වනු ඇති අතර කොළඹ ඇමරිකා එක්සත් ජනපද තානාපති කාර්යාලය නව ආණ්ඩුව අස්ථාවර කිරීමට උත්සාහ ගනු ඇත සහ ගෝලිය වශයෙන් අරගලය දියත් වනු ඇත යන්න සදහන් කරයි.

ඉන්පසුව විදේශ කටයුතු අමාත්‍ය ධූරය  දිනේෂ් ගුණවර්ධන මහතාට යෝජනා කරන ඔහු එයට හේතු ලෙස දක්වා සිටින්නේ නොසැලෙන, වඩාත් අත්දැකීම් ඇති, දේශපාලනික වශයෙන් පරිණත, නිශ්චිත මතවාදයක් දරන, සංවිඥානකව අධිරාජ්‍ය විරෝධි විදේශ අමාත්‍යවරයෙක් අපට සිටිය යුතුය කියා ය. ඔහු තවදුරටත් පවසන්නේ දක්ෂිණාංශික ප්‍රතිගාමි බලවේග අධෛර්යමත් කිරීම සඳහා 2017 වසරේ ගාලු මුවදොර ‍ෙමන්  මෙන් හෝ ඊටත් වඩා විශාල, දැවැන්ත ජනතා උද්ඝෝෂණ සංවිධානය කළ යුතුය යන්නයි. අවසාන වශයෙන් ඔහු යෝජනා කරන්නේ තර්ක විතර්ක, අදහස් සහ මතවාදී ගැටුමේදී සතුරා ප්‍රහාරක පාර්ශවයේ වන අතර අප සිටිය යුත්තේ ආරක්ෂා වන පාර්ශ්වයේය යන්නයි.

මංජු කස්තුරිආරච්චි

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි