No menu items!
19.9 C
Sri Lanka
29 March,2024

රටට ආදරෙයි නම් ද්විත්ව පුරවැසිභාවය අත් හරින්න පුළුවන් ඒකාබද්ධ විපක්ෂ පාර්ලිමේන්තු මන්ත‍්‍රී කුමාර වෙල්ගම

Must read

 

පක්ෂ අභ්‍යන්තරයේදී ඔබ විසින් කර තිබු ණු දේශපාලන අදහස් ගැන ඔබ නියෝජනය කරන කණ්ඩායම ඇතුළෙන්ම විවේචන එල්ලවෙලා තිබුණා. අත්දැකීම් සහිත දේශපාලනඥයෙක් විදියට ඔබේ අදහස් වලට වටිනාකමක් දීලා, ඒ පිළිබඳව සාකච්ඡුා නොකරීම පිළිබඳව ඔබට දැනෙන්නේ කුමක්ද?
මම 1982 දී තමයි ශ‍්‍රී ලංකා නිදහස් පක්ෂයෙ අගලවත්ත ආසනයේ සංවිධායකවරයෙක් හැටියට සිරිමාවෝ බණ්ඩාරණායක අගමැතිනිය විසින් පත් කරන්නේ. එදා ඉඳන් මේ වෙනතෙක් මම ශ‍්‍රී ලංකා නිදහස් පක්ෂයෙ ඉන්නවා. දැන් පාර්ලිමේන්තුවේ මන්ත‍්‍රීවරයෙක් හැටියට අවුරුදු 25ක් ඉන්නවා. කිහිප වතාවක්ම නියෝජ්‍ය ඇමති සහ කැබිනට් ඇමතිවරයෙක් විදියට කටයුතු කරලා තියෙනවා. අද විපක්ෂයේ මන්ත‍්‍රීවරයෙක් හැටියට වාඩිවෙලා ඉන්නවා.

මා ගැන ඕනෑම කෙනෙක්ට විවේචනය කරන්න පුලූ‍වන්. ඒකේ තහනමක් නෑ. විවේචනයෙන් තමයි හරි මාර්ගයට යන්න පුලූ‍වන්. දේශපාලනය කියන්නෙම විවේචනය එක්ක යන වෘත්තියක්. ඒ නිසා මම කියන්නෙ එන්න, මාව විවේචනය කරන්න. මාත් එක්ක වාද විවාද කරන්න. ඒ වුණාට එකක් අමතක කරන්න එපා. මම ශ‍්‍රී ලංකා නිදහස් පක්ෂයේ ඉන්න ජ්‍යෙෂ්ඨම සාමාජිකයෙක්. ඒක අමතක නොකර මාව විවේචනය කරන්න කනිෂ්ඨයෙක්ට වුණත් හැකියාවක් තියෙනවා.

එකපාරම ඒකාබද්ධ විපක්ෂයේ මන්ත‍්‍රීවරුන් කණ්ඩායමක් එකතුවෙලා ඔබට ප‍්‍රහාර එල්ල කරන්නෙ ඇයි?
ඔය කෑගහන්නෙ සභාග ආණ්ඩුවක් නිසා. දැන් සභාග ආණ්ඩුවක් හදන කතාවක් යනවානේ. ඒකට මම කෙළින්ම විරුද්ධ වුණා. තවත් අය විරුද්ධත්වය ප‍්‍රකාශ කළා. ඒත් ඒ අය කිව්වා මහින්ද රාජපක්ෂ මහත්තයා මොකක්හරි තීන්දුවක් ගන්නවානම්, ඒකට එකතු වෙනවා කියලා. මම කිව්වෙ ආණ්ඩුව පෙරලන අවස්ථාවක බලය ගන්න පාර්ලිමේන්තුවේදී අවශ්‍ය ඡුන්දය දෙන්නම්. ඒත් මේ විදියේ ආණ්ඩුවක් හැදුණොත් මම ඉඳගන්නෙ විපක්ෂය පැත්තෙ. ඒක මම කෙළින් කිව්වා. ඒ ගැනයි මා කෙරෙහි ඔය තරම් වෛරයක් ඇතිවෙලා තියෙන්නේ.

අපට ආරංචි තියෙනවා ජනාධිපති මෛත‍්‍රීපාල සිරිසේ න මහතාගෙන් ඒකාබද්ධ විපක්ෂයට ආණ්ඩුව වෙනස් කිරීමේ යෝජනාවක් ආ බව…
එහෙම සාකච්ඡුා පිළිබඳව අපි පුවත්පත්වල දැක්කා. එහෙත් වුණේ මොකක්ද කියලා දැනගෙන හිටියෙ නැහැ. බැසිල් රාජපක්ෂ මහත්තයා කිව්වා ඔව්, එහෙම සාකච්ඡුාවක් තිබුණා කියලා. ඒ ප‍්‍රකාශයෙන් අපට තහවුරු වුණා මේ දෙන්නා මුණගැහුණු බව. එතැනදී ආණ්ඩුවක් නිර්මාණය කිරීම ගැන සාකච්ඡුා කළ බව කියනවා. කොහොමහරි අපේ පක්ෂය ඇතුළේ ඒ වගේ සාකච්ඡුාවක් වෙලා තියෙනවා. මම දන්නෙ එච්චරයි.

ඔබ හිතන්නෙ මෛත‍්‍රීපාල සිරිසේන වගේ පුද්ගලයෙක් ඔය වගේ පොරොන්දුවක් දීලා, ඒකට ඉටු කරාවි කියලාද?
අපි නොහිතන දේවල් තමයි සිද්ධවෙන්නෙ. අපි කැමති දේවල් සිද්ධවෙන්නෙ නැහැනෙ. සමහර විට විවිධ ප‍්‍රශ්න නිසා සහ ඉක්මනට බලය ලබාගත යුතු නිසා, මහජනතාවට සේවයක් කිරීමේ පරම චේතනාවෙන් මුණගැහුණාද කියලා දන්නෙ නැහැනේ.

මහින්ද රාජපක්ෂ මහතාට ජනාධිපතිවරණ අපේක්ෂකයාව තීන්දු කිරීමේ බලය ලබාදීම ගැන ඔබේ අදහස මොකක්ද?
එතුමාට ගන්න පුලූ‍වන්. නායකයා හැටියට. හැබැයි ඒක අපේ පක්ෂ නායකයන්ට ඉදිරිපත් කරන්න ඕනෑ. එතැනින් අනුමැතිය ගන්න ඕනෑ. එතැනදී අපට විරුද්ධත්වය ප‍්‍රකාශ කරන්න හැකියාව තියෙනවා. ඒක තමයි ප‍්‍රජාතන්ත‍්‍රවාදී ක‍්‍රමය.

ඔබ එජාපයේ කොන්ත‍්‍රාත්තුවක් ඉටු කරනවාලූ‍.
ඒක හොඳ චෝදනාවක්. ඕක මහින්දානන්ද අලූ‍ත්ගමගේ මහත්තයානෙ කිව්වෙ. මම එජාපයෙ කොන්ත‍්‍රාත්තුවක් කරනවාද නැද්ද කියන එක මුලූ‍ රටම දන්නවා. මෛත‍්‍රීපාල සිරිසේන ජනාධිපතිවරයා ජනාධිපති ධූරයට පත්වුණේ කවදාද. 2015 දී. ඉන්පස්සෙ පක්ෂයෙ බලය මෛත‍්‍රීපාල සිරිසේන මහත්තයාට ගන්න සැලසුම් හැදුණා. එතකොට පක්ෂයෙ හිටපු අයත් හිටියෙ කෙළින් තීරණයක් ගන්න බයේ. ඔය සද්දෙට කතා කරන අයත් වැල යන පැත්ත බලලා මැස්ස ගහන්න හිතාගෙනයි හිටියෙ. එතකොට මහින්ද මහත්තයා මැදමුලනට ගිහින් නිහඬව හිටියා. දැන් මහින්ද මහත්තයා වටේ සෙනඟ හිටියාට එදා හිටියෙ නැහැ. එහෙම කාලෙක මම හවුල් ආණ්ඩුවට එන්නේ නැහැ කියලා එළියට බැස්සා. ඒ විදියට එළියට බැහැපු පළවැනි කැබිනට් ඇමතිවරයා මම. ඒකෙන් තමයි මහින්ද මහත්තයා මේ තරම් ශක්තිමත් වෙන තැනට ආවේ. එදා එහෙම කරපු මම කවදාවත් යූඇන්පියට යන්නෙ නැහැ. කොහොමත් මම වම නියෝජනය කරන පක්ෂ අත්හැරලා දක්ෂිණාංශික පක්ෂයකට යන්නෙ නැහැ. මම වම කියලා කිව්වෙ පොදුවෙ සමසමාජ, කොමියුනිස්ට්, ශ‍්‍රී ලංකා, විමල් වීරවංශලා, ජේ.වී.පී.ය වගේ වම නියෝජනය කරන පක්ෂ. ඒවා අත්හැරලා එජාපය වගේ දක්ෂිණාංශික පක්ෂයකට මම යන්නෙ නැහැ.

මහින්දානන්ද අලූ‍ත්ගමගේ මන්ත‍්‍රීවරයා කී විදියට ඔබ ඉන්නේ ගෝඨාභය රාජපක්ෂට බියෙන්ද?
මම කිසිම බයක් ඇති මිනිහෙක් නෙවෙයි. බය මගේ ඇෙඟ් නැහැ. බය ඇෙඟ් තිබුණානම් මම මේ මොහොතෙග් ඇමති කෙනෙක් වෙන්න ඕනෑ. විධායක ජනාධිපතිට මට ඇමතිධූර එපා කියලා එළියට බැස්සා මම. මම ගෝඨාභය රාජපක්ෂට බය නැහැ. මම ගෝඨාභය රාජපක්ෂට ගරු කරනවා. එතුමා ලංකාවෙ යුද්ධය අවසාන කළානෙ. මම එතුමා එක්ක කිසිම අමනාපයකින් නෙවෙයි ඉන්නෙ. සමහරු එහෙම හිතුවාට.

ඇත්තටම ඔබේ නම කියලා මහින්දානන්ද අලූ‍ත්ගමගේ මහතා ආවේගයෙන් විවේචනය කළේ මහින්ද රාජපක්ෂ හිටපු ජනාධිපතිවරය ාවම කියලාත් හිතෙනවා. මොකද ඔබ අදහසක් කීවා විතරයි. මහින්ද රාජපක්ෂ මහතා ගෝඨාභය රාජපක්ෂට අපේක්ෂකත්වය දුන්නෙ නැහැනෙ. ඒ ගැන ඔවුන්ට කේන්තියක් ඇති නේද?
එයාලා බලාපොරොත්තු වෙන්නෙ මහින්ද රාජපක්ෂ මහත්තයාව නෙවෙයි. එතුමන්ලාගේ ඔලූ‍වෙ තියෙන්නෙ වෙන දෙයක්. එයාලා කියන්නෙ මහින්ද රාජපක්ෂ නෙවෙයි අහවලාව තමයි සුදුසු කියලා. අපි කියනවා අහවලා නෙවෙයි මහින්ද රාජපක්ෂ තමයි සුදුසු කියලා. ඔබ කීව එක හරි. ඔය කේන්තිය මට විරුද්ධ කේන්තියක් විතරක් නෙවෙයි. මහින්ද රාජපක්ෂටත් විරුද්ධව එන කේන්තියක්.

ගෝඨාභය රාජපක්ෂ ගැන ඔබට තියෙන විවේචනය මොකක්ද?
මට එතුමා ගැන විවේචනයක් නැහැ. එතුමාව ජනාධිපතිවරණ අපේෂකයා විදියට ඉදිරිපත් කරලා නෑනෙ. ඉතින් මට ඒ ගැන මොනවත් කියන්න බැහැ. එතුමාව ජනාධිපතිවරණ අපේක්ෂකයා විදියට ඉදිරිපත් කළොත් මම ඒ ගැන අදහස කියන්නම්.

ඒත් ඔබ ගෝඨාභය රාජපක්ෂ ජනාධිපති අෙ ප්ක්ෂකයා වීම ගැන ලොකු විරෝධයක් එක්ක කතා කළා නේද?
නෑ නෑ. මම බලෙන් පැනලා කිසි කෙනෙක් ගැන අදහස් පළ කරලා නැහැ. විවිධ අවස්ථාවලදී ජනාධිපති අපේක්ෂකයා අහවලා විය යුතු බව පක්ෂයේ අය කියලා තියෙනවා. එහෙම වෙලාවල මම ඒ ඒ පුද්ගලයන් ගැන මගේ අදහස කියලා තියෙනවා. එක් උදාහරණයක් කිව්වොත්, එක වෙලාවක පක්ෂයේ සාමාජිකයන් කිව්වා මෙයාව තමයි මහින්ද රාජපක්ෂ නම් කරන්නෙ කියලා. මම එතකොට උත්තර දුන්නා එයාව නම් කරන්න බැහැ කියලා. ඒ වගේ නම් ඉදිරිපත් වෙද්දී මම ඒවාට ප‍්‍රතිචාර දැක්වුවා විතරයි. ඔය එක නමක්වත් මම සංවාදයට ගෙනාවෙ නැහැ. කෙනෙක් අහවලා අපේක්ෂකයා විය යුතුයැයි ප‍්‍රසිද්ධියේ කීවොත් මම ප‍්‍රසිද්ධියේ උත්තර දුන්නා. අභ්‍යන්තරයේ කතා කළොත් මම අභ්‍යන්තරයේ උත්තර දුන්නා.

අපි මෙහෙම ප‍්‍රශ්නයක් අහන්නම්. ද්විත්ව පුරවැසියෙක්ව ජනාධිපතිවරණ අපේක්ෂකයා ලෙස යෝජනා වුණොත් ඔබේ අදහස මොකක්ද?
ලංකාවේ ආණ්ඩුක‍්‍රම ව්‍යවස්ථාව අනුව ද්විත්ව පුරවැසියෙක්ව ජනාධිපතිවරණ අපේක්ෂකයෙක් ලෙස නම් කරන්න බැහැ. ඒ නිසා තමයි ගීතා කුමාරසිංහ මැතිණියගේ පාර්ලිමේන්තු ආසනය පවා අහිමි වුණේ. එතකොට අපි කැමති වුණත් අකැමති වුණත් එහෙම කෙනෙක්ව ජනාධිපතිවරණ අපේක්ෂකයෙක් විදියට නම් කරන්න බැහැනේ. මම කළේ ඒ කාරණය පෙන්වා දීම. එයා ද්විත්ව පුරවැසිභාවය ඉවත් කරගත්තොත් එයාගෙ නම සලකලා බලන්න පුලූ‍වන්. නැත්නම් අපි කොහොමද එයා ගැන කතාකරන්නෙ. එහෙම කරන්න බැහැ.

ඇත්තටම ජනාධිපතිවරණ අපේක්ෂකයා ලෙස ඉදිරිපත් වෙන්න කලින්ම, රටට ආදරය කරනවානම් ජනාධිපතිවරණ අපේක්ෂකත්වය ලැබුණත් නැතත් ද්විත්ව පුරවැසිභාවය අයින් කරගන්න පුලූ‍වන්නේද?
ඔව්. ඒක ඇත්ත. එහෙම කෙනෙක්ට තමන් ඇත්තටම රටට ආදරය කරන බව පෙන්වන්න දැන් හොඳ අවස්ථාවක් තියෙනවා. කවුරුහරි ද්විත්ව පුරවැසියෙක් ලංකාවෙ ජනාධිපතිවරයා වෙන්න බලාපොරොත්තු වුණත් නැතත් රටට ආදරෙයි නම් ද්විත්ව පුරවැසිභාවය අත්හරින්න පුලූ‍වන්නේ. රටට ආදරය කරන කෙනෙක් නම් වෙන රටක පුරවැසිභාවයක් මොකටද? ඒ නිසා දැන්ම ඒ තීන්දුව ගන්න ඕනෑ. ජනාධිපතිවරණ අපේක්ෂකත්වය ලැබුණාට පස්සෙ ඒක අයින් කරගන්න බලාපොරොත්තු වෙන කෙනෙක් නම් රටට ආදරය කරන බව විශ්වාස කරන්නෙ කොහොමද. ඉන්පස්සෙ අපට පුලූ‍වන් දේශපාලන නායකයන් ගැන ඒ පුද්ගලයාව ජනාධිපතිවරණ අපේක්ෂකයා ලෙස තෝරාගන්නවාද නැද්ද යන්න සාකච්ඡුා කරන්න.

සුළු ජනවර්ග වල අවිශ්වාසයට ලක්වුණ පුද්ගලයෙක්ව ජනාධිපතිවරණ අපේක්ෂකයා ලෙස තෝරාගැනීම ගැනත් ඔබ අදහසක් පළකරලා තිබුණා නේද?
ඔව් ඔව්. ඒකත් මම පොදුවේ කීව කාරණයක්. මම කීව කාරණයෙ කිසි වැරැුද්දක් නැහැ. මම ජන හමුවකදී ඒක පැහැදිළි කරලා දුන්නා. ලංකාවෙ පාර්ලිමේන්තු මැතිවරණය කියන්නෙ මන්ත‍්‍රීවරු 225ක් පත්වෙන එකක්. ජනාධිපතිවරණය කියන්නෙ මුලූ‍ ලංකාවම එක මැතිවරණ කොට්ඨාශයක්. එතකොට සුලූ‍ ජාතිකයන්ගේ ඡුන්ද ප‍්‍රතිශතය ගැනත් කල්පනා කළ යුතුයි. දැනට ලංකාවෙ 30% පමණ සුළු ජාතිකයන් ඉන්නවා. ඒ ඡුන්දවලට වැදගත්කමක් තියෙනවා. අපි දේශපාලනඥයන් විදියට ඡුන්දයක් දිනන්න නම් සුළු ජාතිකයන්ගෙ ඡුන්ද ගැන කල්පනා කළ යුතුයි.

අනෙක් පැත්තෙන් තරුණ ප‍්‍රජාවගේ ගෞරවය ලබන කෙනෙක් විය යුතු බවත් ඔබ කියා තිබුණා..
ලංකාවෙ අලූ‍ත් ඡුන්ද ලක්ෂ හයක් ඉන්නවා. එයාලා ඉන්නෙ ෆෙස්බුක් එකේ. මේ කොල්ලො කෙල්ලො දූෂණයට භීෂණයට විරුද්ධයි. ඒ තරුණ ළමයි ඉන්ටර්නෙට් එකේ සර්ච් කරලා බලපු ගමන් දේශපාලඥයෙක් කරපු හොඳ දේවල් වගේම නරක දේවල් විස්තර ඇතිව කියවන්න පුලූ‍වන්. ඒ අය හොයලා බලලා තමයි තීරණ ගන්නෙ. ඉතින් මම හිතන්නෙ නැහැ මේ දරුවන් වැරදි කෙනෙක්ව තෝරාගනියි කියලා. එතකොට මම කලින් කීව සුළු ජාතිකයන්ගෙ ඡුන්දය සහ ලංකාවේ තරුණ ප‍්‍රජාවගෙ ඡුන්ද ඊළඟ ජනාධිපතිවරයෙක්ට ඉතාමත්ම වැදගත් වෙනවා.

ඔබ පවුල්වාදය-ට විරුද්ධයි නේද?
මං ඒකට තදින්ම විරුද්ධයි. ඒකට හේතු කොච්චර තියෙනවාද. මම එකක් කියන්නම්. ලංකාවෙ පළවැනි අගමැතිවරයා ඞී,එස්. සේනානායක. ඔහුගෙන් පස්සෙ ජ්‍යෙෂ්ඨත්වය තිබුණෙ එස්.ඩබ්ලිව්.ආර්.ඞී. බණ්ඩාරණායක මහත්තයාට. ඊළඟට හිටියේ සර් ජෝන් කොතලාවල මහත්තයා. ඒත් ඞී.ඇස්. සේනානායක මහත්තයාගෙන් පස්සෙ අපේක්ෂකත්වය ලැබුණෙ ඩඞ්ලි සේනානායක මහත්තයාට. ඒක වුණේ නැත්නම් බණ්ඩාරණායක මහත්තයා එජාපයෙන් අයින් වෙලා ශ‍්‍රීලනිපය හදන්නෙ නැහැ. එදා ඒක වෙද්දී බණ්ඩාරණායක මහත්තයා එක්ක ඞී.ඒ. රාජපක්ෂ මහත්තයාත් එළියට බැස්සා. එහෙම ගත්තාම ඞී.ඒ. රාජපක්ෂ මහත්තයා එළියට බැස්සෙ පවුල්වාදයට විරුද්ධව. මහින්ද රාජපක්ෂ මහත්තයා පවුල්වාදයට එරෙහි වුණා. ඒක හොඳ උදාහරණයක් තමයි ජ්‍යෙෂ්ඨත්වය සහ පවුල්වාදය නරක බවට.

මහින්ද රාජපක්ෂ මහතා පවුල්වාදයේ සංකේතයක් නේද?
නැහැ. එතුමා තවම පවුල්වාදයට ගියේ නැහැ. ඒ නිසා ඒක ගැන කතාකරන්න බැහැ. එතැනට ගියොත් මම කතාකරන්නම්.

මෛත‍්‍රීපාල සිරිසේනව ඒකාබද්ධ විපක්ෂයේ ජනාධිපතිවරණ අපේක්ෂකයා බවට පත් කරන්න යෝජනා වුණොත් ඔබේ අදහස මොකක්ද?
මං හිතනවා ඒක සුදුසු නැති බව. සිරිසේන ජනාධිපතිතුමාට නෙවෙයි, සුදුසකම් තියෙන ඕනෑ කෙනෙකුට ඉල්ලන්න බැරිකමක් නැහැ. ඒත් රටේ දැන් ඇතිවෙලා තියෙන ප‍්‍රශ්ණ දිහා බැලූ‍වාම එතුමාටවත්, රනිල් වික‍්‍රමසිංහ අගමැතිතුමාටත් රටේ මිනිස්සුන්ගෙන් බහුතරයක් ඡුන්දය දෙන්නෙ නැහැ.

ඒ කියන්නෙ ඒ දෙන්නාම හෝ දෙන්නාගෙන් කෙනෙක් ඉදිරිපත් වුණොත් ඒකාබද්ධ විපක්ෂය ඉදිරිපත් කරන අපේක්ෂකයා ජයගනීවි නේද?
එහෙම බැහැ. අනෙක් පැත්තේ කෙනා ප‍්‍රජාතන්ත‍්‍රවාදී, සුළු ජාතීන් පිළිගන්න, වැරදි නොකරන, රටේ ප‍්‍රජාතන්ත‍්‍රවාදයට මුල් තැන දෙන නායකයෙක් විය යුතුයි. අත් වල ලේ ගාවගත්ත කෙනෙකුට නම් ජනාධිපතිවරණ අපේක්ෂකයෙක් වීම සුදුසු නැහැ කියලයි කියන්නෙ.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි