20.9 C
Sri Lanka
7 July,2022

මෛත‍්‍රී අපේක්ෂකකම දෙපැත්තෙන්ම ඉල්ලයි

Must read

 

ජනාධිපති මෛත‍්‍රීපාල සිරිසේන විසින් ඉදිරි ජනාධිපතිවරණයකදී තමන්ට ජනාධිපති අපේක්ෂකධුරය ලබාදෙන ලෙස ඒකාබද්ධ පොදුජන පෙරමුණ සහ එක්සත් ජාතික පෙරමුණ යන පාර්ශ්ව දෙකටම යෝජනා ඉදිරිපත් කර ඇතැයි වාර්තා වෙයි.

ඉදිරි ජනාධිපතිවරණයකදී ජයගත හැක්කේ ශ‍්‍රීලනිපයේ සහයෝගය ලැබෙන කණ්ඩායමට බවත්, ශ‍්‍රීලනිප සහයෝගය ලබාගැනීමට නම් ජනාධිපති අපේක්ෂක ධුරය තමාට ලබාදෙන ලෙසත් ජනාධිපති මෛත‍්‍රීපාල සිරිසේනගේ පාර්ශ්වයෙන් එම පක්ෂ දෙකටම දැනුම් දී ඇත. තම යෝජනාවට යහපත් ප‍්‍රතිචාරයක් ලැබුණහොත් කලින් ජනාධිපතිවරණයක් පැවැත්වීමේ හැකියාව තමාට තිබෙන බවද ජනාධිපතිවරයා අවධාරණය කර ඇත.

ඒකාබද්ධ පොදුජන පෙරමුණට එස්.බී. දිසානායක මන්ත‍්‍රීවරයා හරහා එම යෝජනාව ඉදිරිපත් කර ඇති අතර එක්සත් ජාතික පක්ෂයේ සජිත් පේ‍්‍රමදාස මහතාටද එම යෝජනාව ඉදිරිපත් කර ඇත. සජිත් පේ‍්‍රමදාසට සිදුකරන ලද යෝජනාවේදී තමන්ට ඉදිරි ජනාධිපතිවරණය සඳහා සහාය දැක්වුවහොත් අගමැති අපේක්ෂකත්වය ලබාදෙන බවද ප‍්‍රකාශ කර ඇත.

කෙසේ වෙතත් එක්සත් ජාතික පක්ෂයේ සහ ඒකාබද්ධ පොදුජන පෙරමුණ යන දෙපාර්ශ්වයේම වැඩි පිරිසක් මෛත‍්‍රීපාල සිරිසේන මහතාට ජනාධිපති අපේක්ෂක ධුරය ලබාදීම ගැන දැඩි නොකැමැත්තකින් පසුවන බවද එම පක්ෂවල ඉහළ පෙළේ සාමාජිකයෝ පවසති. ඉදිරි ජනාධිපතිවරණයට මෛත‍්‍රීපාල සිරිසේන මහතා ඉදිරිපත් වුවහොත් ඔහු දැවැන්ත පරාජයකට ලක්වෙනු ඇතැයිද එම පක්ෂ දෙකේම මතය වී ඇත.

කෙසේ වෙතත් ඒකාබද්ධ පොදුජන පෙරමුණෙහි ජනප‍්‍රිය නායකයා වන මහින්ද රාජපක්ෂ මහතාට ජනාධිපතිවරණයට ඉදිරිපත් විය නොහැකි නිසාත්, ගෝඨාභය රාජපක්ෂට මහින්ද රාජපක්ෂ ඇතුළු පිරිස විරුද්ධ නිසාත් එය වාසියට හරවාගනිමින් ඒකාබද්ධ පොදුජන පෙරමුණ සමඟ මෛත‍්‍රීපාල සිරිසේන මහතා එක්වීමේ වැඩි ඉඩක් ඇතැයි එම ආරංචිමාර්ග පවසයි. මේ වනවිට ඒ සඳහා සැලසුම්ද සකස් කෙරෙමින් පවතින බව වාර්තා වෙයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි