20.3 C
Sri Lanka
6 July,2022

පොලිස්පති මානව හිමිකම් කොමිෂම මඟහරියි

Must read

පැමිණිල්ලක් සම්බන්ධයෙන් නිසි ලෙස ක්‍රියා නොකිරීම සම්බන්ධයෙන් කරුණු විමසීම සඳහා ශ්‍රී ලංකා මානව හිමිකම් කොමිෂන් සභාව විසින් අගෝස්තු 09 වැනිදා පොලිස්පතිවරයාව සහ අළුත්ගම පොලීසියේ ස්ථානාධිපතිවරයාව කැඳවා තිබුණද එම නිලධාරීන් එදින පැමිණ නැතැයි වාර්තා වෙයි.

පොලිස්පතිවරයා වෙනුවට මානව හිමිකම් කොමිෂම වෙත පැමිණ තිබුණේ පොලිස් මූලස්ථානයේ සාජන් වරයෙක් වන අතර අළුත්ගම පොලීසියේ ස්ථානාධිපතිවරයා වෙනුවට පැමිණ තිබුණේ සුළු පැමිණිලි අංශයේ ස්ථානාධිපතිවරයාය.

වධ හිංසාවට එරෙහිව කටයුතු කරන මානව හිමිකම් සංවිධානයක් වන ජන සංසදයෙහි කි‍්‍රයාකාරිණියක වන අමිතා පි‍්‍රයන්ති මහත්මියට පහරදී ඇය සන්තකයේ තිබූ ලිපි ගොනු පැහැර ගැනීම සම්බන්ධයෙන් නිසි විමර්ශනයක් සිදු නොකිරීම සම්බන්ධයෙන් මානව හිමිකම් කොමිෂමෙහි කළ පැමිණිල්ලක් සම්බන්ධයෙන් අදාල කැඳවීම කර තිබුණි.

අතුරුදන් වූ ලිපිගොනු වල තිබී ඇත්තේ පොලීසිය විසින් පහරදීමකින් සිදුකරන ලදැයි සැක කරන ඝාතන සිදුවීමක් පිළිබඳ නඩු විභාගයකට අයත් ලිපිගොනු වේ. මෙම සිදුවීමේදී චෝදනා ලබා සිටින පොලිස් නිලධාරියාව ආරක්ෂා කරන බවට පොලීසියටද චෝදනා එල්ල වී තිබේ.

අමිතා පි‍්‍රයන්ති මහත්මියට 2018/7/ 6 දින සවස 4.00ට අලූත්ගමදී පහරදී  ඇය සතු අත්බෑගය හා ලිපි ගොනු යතුරු පැදිකරුවන් දෙදෙනෙකු විසින් පැහැරගන්නා ලදී. මේ සම්බන්ධයෙන් අලූත්ගම පොලිසියට එදින සවස  අමිතා පි‍්‍රයන්ති මහත්මියගේ ස්වාමිපූරුෂයා විසින් පැමිණිලි කර තිබූ නමුත් ඒ සම්බන්ධයෙන් අලූත්ගම පොලිසිය විධිමත් පරීක්‍ෂණයක් සිදු නොකිරීම ගැන ජන සංසදයේ ලේකම් වරයා විසින් මානව හිමිකම් කොමිසමට පැමිණිලි කිරීමට කටයුතු කර තිබුණි.

ධම්මික පි‍්‍රදර්ශන

( පෙර කතාව කියවන්න. )

https://news.gettopten.com/%E0%B7%80%E0%B7%83%E0%B6%BB-18%E0%B6%9A%E0%B6%A7-%E0%B6%B4%E0%B7%99%E0%B6%BB-%E0%B6%B4%E0%B7%9C%E0%B6%BD%E0%B7%92%E0%B7%83%E0%B7%92%E0%B6%BA-%E0%B6%8B%E0%B6%AF%E0%B7%94%E0%B6%BB%E0%B7%8F%E0%B6%9C/

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි