20.3 C
Sri Lanka
6 July,2022

හකීම්, බදියුදීන් සීමා නිර්ණයට විරුද්ධයි

Must read

ඉඳුවර බණ්ඩාර

පළාත් සභා මැතිවරණය කොට්ඨාස හා සමානුපාතික ක‍්‍රමයට පැවැත්වීම සඳහා සකස්කර ඇති සීමා නිර්ණය වාර්තාවට විරුද්ධත්වය ප‍්‍රකාශ කරන්නේ රවුෆ් හකීම් හා රිෂාඞ් බදුර්දීන් යන අමාත්‍යවරුන් බව වාර්තාවේ.

එම අමාත්‍යවරුන් දෙදෙනා ඔවුන්ගේ විරුද්ධත්වය පළකරන්නේ කේවල ඡන්ද ක‍්‍රමයේදී දැනට ඔවුන්ට හිමි මන්ත‍්‍රීධුර සංඛ්‍යාව නොලැබෙන බව ප‍්‍රකාශ කරමින් බවත් එහෙත් සමානුපාතික ක‍්‍රමයේදී ඔවුන්ට ලැබෙන මන්ත‍්‍රීධුර සංඛ්‍යාව ගැන කථා නොකරන බවත් වාර්තා වේ.
පළාත් සභා මැතිවරණයට අදාළ සීමා නිර්ණය වාර්තාව පාර්ලිමේන්තුව අනුමත නොකරන්නේ නම් එම වාර්තාව සමාලෝචනය කිරීම සඳහා පිහිටුවා ඇති කමිටුවේ වාර්තාව අනුව පළාත් සභා මැතිවරණය පැවැත්විය හැකි යැයි මැතිවරණ කොමිසමේ නිලධාරීන්ගේ මතය වී ඇත. එහෙත් එම සමාලෝචන කමිටුවට මැතිවරණ කොමිසමේ සභාපතිවරයා ඇතුළත් වීමත් සීමා නිර්ණය කමිටුවේ සභාපතිත්වය දැරූ කේ. තවලිංගම් මහතා ඇතුළත්වීමත් නීති විරෝධි බව මැතිවරණ කොමිසමේ එම නිලධාරීහු පෙන්වා දෙති.

ඔවුන් වැඩිදුරටත් පවසන්නේ අදාළ සමාලෝචන කමිටුව තුළ වතුකරයේ දෙමළ ජනතාව නියෝජනයට සාමාජිකයෙකු නොමැතිවීමද බලවත් අඩුපාඩුවක් බවයි. අගමැතිවරයාගේ ප‍්‍රධානත්වයෙන් යුතු එම සමාලෝචන කමිටුවට නිමල් සිරිපාල ද සිල්වා, රවුෆ් හකීම්, ආර්. සම්බන්ධන්, මහින්ද දේශප‍්‍රිය හා කේ.තවලිංගම් යන අය ඇතුළත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි