කොළඔ අපරාධ කොට්ඨාසයට අනුයුක්ත නිලධාරීන් කණ්ඩායමක් තමා, තමාගේ අත දරුවා සහ තමන්ගේ ස්වාමිපුරුෂයාගේ මව බලහත්කාරයෙන් පැහැරගෙන ගිය බව සඳහන් කරමින් පාර්ලිමේන්තු මන්ත‍්‍රී චම්පික රණවක මහතාගේ රියැදුරු දිලූම් තුසිත කුමාරගේ බිරිඳ වන ඉරේෂා ලක්මාලි මහත්මිය දෙසැම්බර් 24 වන දින ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කර ඇත.
එසේ බලහත්කාරයෙන් පැහැරගෙන යාම නීති විරෝධී බවත්, එසේ නීති විරෝධීව පැහැර ගෙන යාමෙන් තමන්ගේ මූලික අයිතිවාසිකම් උල්ලංඝනය වී ඇතැයි නියෝගයක් නිකුත් කරන ලෙසත් එම පෙත්සමෙන් ඉල්ලා ඇත.
එම පෙත්සමේ වගඋත්තරකරුවන් ලෙස ආරක්ෂක අමාත්‍යාංශ ලේකම්වරයා, වැඩබලන පොලිස්පතිවරයා, ජාතික පොලිස් කොමිසමේ සාමාජිකයන්, කොළඹ අපරාධ කොට්ඨාසය භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් හා එම කොට්ඨාසයේ ස්ථානාධිපතිවරයා ඇතුළු නිලධාරීන් 15 දෙනෙකු නම්කර ඇත.
පෙත්සම්කාරිය තම මූලික අයිතිවාසිකම් පෙත්සමෙන් පවසා සිටින්නේ දෙසැම්බර් 10 වන දින රාත‍්‍රියේදී ගාල්ල, ඉම¥වේ ඇති තම නිවසට කඩාවැදුණු කොළඹ අපරාධ කොට්ඨාසයට අනුයුක්ත නිලධාරීන් කණ්ඩායමක් තමාවත් තම මාස තුනක් වයසැති අත දරුවා සහ ස්වාමියාගේ මව යන තිදෙනාම බත්තරමුල්ල ප‍්‍රදේශයට බලහත්කාරයෙන් රැුගෙන ගිය බවය.
එසේ තමා සහ පවුලේ සාමාජිකයන් බලහත්කාරයෙන් රැුගෙන යාමට කිසිදු සාධාරණ හේතුවක් නොමැතිව අපරාධ කොට්ඨාසයේ නිලධාරීන් තමන් අත්අඩංගුවට ගෙන රැුගෙන ගොස් බත්තරමුල්ල, ජයන්තිපුර ප‍්‍රදේශයේ රඳවා ගැනීම තුළින් ආණ්ඩුක‍්‍රම ව්‍යවස්ථාව යටතේ සහතික කර තිබෙන මූලික අයිතීන් උල්ලංඝනය වී ඇතැයි ඇය සඳහන් කර ඇත.
