නීතියෙන් වරදකරුවන් ලෙස ඔප්පු නොවූ පුද්ගලයෙකුට උසස්වීම් ලබාදීමෙහි වරදක් නොමැති බවත් එලෙස උසස්වීම් ලබාදීම යෝග්‍ය නොවන්නේ නීතියෙන් වරදකරුවෙකු වූ පුද්ගලයන්ට බවත්  හමුදා මාධ්‍ය ප‍්‍රකාශක බි‍්‍රගේඩියර් චන්දන වික‍්‍රමසිංහ අනිද්දාට පැවසීය.

නිතීපතිවරයා අධිචෝදනා ගොනු කර ඇති නිලධාරියෙකුට උසස්වීමක් ලබා දිය හැකි දැයි විමසූ අවස්ථාවේදී හමුදා ප‍්‍රකාශකවරයා එසේ පැවසීය.

පිරිසිදු ජලය ඉල්ලා උද්ඝෝෂණය කළ රතුපස්වල ප‍්‍රදේශවාසීන්ට වෙඩි තබා තිදෙනෙකු ඝාතනය කර තවත් 45 දෙනෙකුට තුවාල සිදුකිරීමේ සිද්ධියට අදාළව යුද හමුදා බි‍්‍රගේඩියර් අනුර දේශප‍්‍රිය ගුණවර්ධන ඇතුළු පිරිසකට අධිචෝදනා ගොනු කර ඇත. ඒ අය අතුරින් බි‍්‍රගේඩියර් දේශප‍්‍රිය ගුණවර්ධන මේජර් ජෙනරාල් නිලයට පසුගිය නිදහස් දිනයේදී ජනාධිපතිවරයා උසස් කර ඇත.